केंद्रीय अन्वेषण ब्युरो (CBI) ने बेकायदेशीर खाण प्रकरणात झारखंडमध्ये छापे मारताना माजी साहिबगंज जिल्हा खाण अधिकारी विभूती कुमार यांच्याकडून 13 लाख रुपयांची रोख रक्कम आणि सुमारे 52 लाख रुपयांचे दागिने जप्त केले आहेत. अधिकाऱ्यांनी बुधवारी ही माहिती दिली.
या प्रकरणाच्या संदर्भात एजन्सीने 20 ठिकाणी शोध मोहीम सुरू केली होती, ज्यामध्ये झारखंडचे मुख्यमंत्री हेमंत सोरेन यांचे माजी सहकारी पंकज मिश्रा यांचेही नाव एफआयआरमध्ये आरोपींमध्ये आहे.
अधिका-यांनी सांगितले की, सीबीआयच्या पथकांनी कारवाईदरम्यान आतापर्यंत 75 लाख रुपये जप्त केले आहेत, ज्यात कुमारच्या आवारातून जप्त केलेल्या रकमेचा समावेश आहे. रोख आणि दागिने व्यतिरिक्त, सीबीआयने कुमारच्या परिसरातून 11 लाख रुपयांच्या गुंतवणुकीशी संबंधित कागदपत्रे, कोट्यवधी रुपयांच्या सात मालमत्ता आणि सुमारे 10 लाख रुपयांच्या मुदत ठेवींच्या पावत्या जप्त केल्या आहेत, असे ते म्हणाले.
