छत्तीसगडमधील दंतेवाडा येथे बुधवारी नक्षलवाद्यांनी केलेल्या हल्ल्यात 11 जवान शहीद झाले. तेथे एका नागरिकाचाही मृत्यू झाला आहे. सर्व जवान डीआरजी (जिल्हा राखीव गार्ड) चे आहेत. मुख्यमंत्री भूपेश बघेल यांनी दिलेल्या माहितीनुसार, नक्षलवाद्यांच्या उपस्थितीच्या माहितीवरून जवान शोधासाठी निघाले होते. दरम्यान, नक्षलवाद्यांनी आयईडीचा स्फोट केला. जवानांच्या वाहनालाही त्याची धडक बसली. यामध्ये 10 जवान शहीद झाले. दुसरीकडे गृहमंत्री अमित शहा यांनीही नक्षलवादी हल्ल्याबाबत मुख्यमंत्र्यांशी चर्चा केली आहे.
ही घटना अरणपूर पोलीस ठाण्याच्या हद्दीत घडली. असे सांगितले जाते खासगी वाहनाने जवान निघाले होते. या हल्ल्यात एका नागरिकाचाही मृत्यू झाला आहे. हल्ल्यानंतर जवानांकडूनही प्रत्युत्तराची कारवाई करण्यात आली. यात काही नक्षलवादीही जखमी झाले आहेत. मात्र, या घटनेबाबत अधिकाऱ्यांकडून अद्याप काहीही सांगण्यात आलेले नाही.
मुख्यमंत्री भूपेश बघेल यांनी घटनेवर शोक व्यक्त केले आहेत या प्रकाराची माहिती असून ते दुःखद असल्याचे त्यांनी म्हटले आहे. शहीद झालेल्या जवानांच्या कुटुंबियांप्रती मी संवेदना व्यक्त करतो. हा लढा शेवटच्या टप्प्यात सुरू असून नक्षलवाद्यांना कोणत्याही किंमतीत सोडले जाणार नाही. आम्ही नियोजनबद्ध पद्धतीने नक्षलवाद संपवू.
