या राज्यांमध्ये थंडीची लाट पसरली आहे
23 डिसेंबरपासून देशात थंडीची लाट पसरू शकते. हवामान खात्यानुसार, महाराष्ट्र, दिल्ली, हिमाचल, पंजाब, हरियाणा, उत्तराखंड आणि उत्तर राजस्थानमध्ये पुढील पाच दिवस थंडीच्या लाटेचा प्रभाव दिसून येईल. सकाळी वाऱ्याचा वेगही जास्त असेल.
थंड वातावरणात या राज्यांमध्ये पावसाची शक्यता
हवामान खात्यानुसार, आज अंदमान आणि निकोबार बेटांवर अनेक ठिकाणी हलका ते मध्यम पाऊस पडण्याची शक्यता आहे. याशिवाय केरळ, कर्नाटक, तामिळनाडू, आंध्र प्रदेश आणि ओडिशासह महाराष्ट्रातही मेघगर्जनेसह पावसाचा इशारा देण्यात आला आहे. देशातील उर्वरित भागात हवामान कोरडे राहील. ईशान्य भारतातील बिहार आणि पूर्व उत्तर प्रदेशमध्ये काही प्रमाणात धुके पडण्याची शक्यता वर्तवण्यात आली आहे.
राज्याच्या किमान तापमानात घट झाल्याने मागच्या 24 तासांत धुळे येथील कृषी महाविद्यालयात राज्यातील नीचांकी 10 अंश, वसंतराव नाईक मराठवाडा कृषी विद्यापीठात 10.1 अंश, औरंगाबाद येथे 10.2 अंश, निफाड येथे 10.4 अंश सेल्सिअस तापमानाची नोंद झाली.
दिल्लीतील तापमानात घट
देशाची राजधानी दिल्लीत सकाळी आठ वाजता तापमान 8 अंशांपर्यंत घसरले आहे. आणि येथे आज कमाल तापमान 21 आणि किमान तापमान 7 अंश राहील. राजधानीत ज्या पद्धतीने तापमानात घसरण होत आहे, त्यावरून येणारा दिवस कठीण जाणार असल्याचे स्पष्ट होत आहे.
Edited by : Smita Joshi
