सप्तपदी घेण्याअगोदरच भावी पती पत्नीने संपविले स्वतःचे जीवन

Uttar Pradesh News : उत्तर प्रदेशातील सीतापूरमध्ये एक धक्कादायक घटना समोर आली आहे. येथे लग्नापूर्वी दाम्पत्याचा मृतदेह खोलीत लटकलेल्या अवस्थेत आढळून आला. यानंतर कुटुंबीयांनी पोलिसांना माहिती दिली. पोलिसांनी घटनास्थळी पोहोचून फॉरेन्सिक टीमसह पुरावे गोळा केले आणि मृतदेह शवविच्छेदनासाठी पाठवले. या दोघांनी सामूहिक विवाह योजनेसाठी अर्ज केल्याचे सांगण्यात येत आहे. यानंतर लग्नाची तारीख रद्द करून मंदिरात लग्न करण्याचा निर्णय घेण्यात आला होता.

मिळालेल्या माहितीनुसार या तरुण आणि तरुणीमध्ये 3 वर्षांपासून प्रेमसंबंध सुरू होते. या प्रकरणाबाबत कुटुंबीयांनी सांगितले की, मुख्यमंत्री सामूहिक विवाह योजनेंतर्गत 25 नोव्हेंबर रोजी दोघांचे लग्न होणार होते. काही कारणास्तव लग्नाची तारीख रद्द करावी लागली. या घटनेबाबत मुलाच्या कुटुंबीयांनी मुलीच्या मेव्हण्यावरच खून केल्याचा संशय व्यक्त केला आहे. त्यांनी सांगितले की, तरुणाचा 2 दिवसांपूर्वी मुलीच्या भावाशी वाद झाला होता. याप्रकरणी पोस्टमार्टमनंतरच संपूर्ण परिस्थिती स्पष्ट होईल, असे पोलिसांनी सांगितले.

Edited By- Dhanashri Naik