दिल्लीची लाइफलाइन म्हटली जाणारी मेट्रो सध्या चर्चेत आहे. अलीकडच्या काळात दिल्ली मेट्रोचे अनेक व्हिडिओ समोर आले आहेत, ज्यामध्ये मुले-मुली आक्षेपार्ह कृत्ये करताना आणि रील बनवताना दिसत आहेत. दिल्ली मेट्रो रेल कॉर्पोरेशनने (डीएमआरसी) वारंवार इशारे दिल्यानंतरही मेट्रोमध्ये रील बनवणारे आणि नाचणारे तरुण-तरुणी ऐकतच नाही.दिल्ली मेट्रोचे व्हिडिओ दररोज सोशल मीडियावर व्हायरल होत आहेत.
कोणी विचित्र कपडे घालून प्रवास करत आहे. काही तरुण-तरुणींचे किसिंग व्हिडिओही व्हायरल झाले आहेत. आता दिल्ली मेट्रो हे आक्षेपार्ह कृत्य करणाऱ्या आणि रिले बनवणाऱ्या तरुण-तरुणींचे आश्रयस्थान बनल्याचे दिसते. सोशल मीडियावर पुन्हा एकदा मेट्रोचा एक व्हिडिओ व्हायरल होत आहे, ज्यामध्ये दोन तरुणी पोल डान्स करताना दिसत आहेत.
व्हायरल व्हिडीओ मध्ये दोन तरुणी परवीन बॉबी आणि शशी कपूर अभिनित सुहाग चित्रपटातील 'मैं तो बेघर हूं' या गाण्यावर नाचताना दिसत आहे. दोन्ही मुलींचा मेट्रोमध्ये डान्स करतानाचा हा व्हिडिओ व्हायरल झाला आहे.
