8 डिसेंबर रोजी अंमलबजावणी संचालनालयाने केरळमधील पीएफआय नेत्यांच्या चार ठिकाणी छापे टाकले. यावेळी परिसराची झडती घेण्यात आली. शोध मोहिमेदरम्यान विदेशी निधी आणि परदेशातील संपत्तीशी संबंधित दोषी कागदपत्रे, डिजिटल उपकरणे आणि पुरावे जप्त करण्यात आले आहेत. अंमलबजावणी संचालनालयाने शनिवारी ही माहिती दिली.
वृत्तसंस्थेनुसार, 8 डिसेंबर रोजी कन्नूरमधील पेरिंगाथूर येथे पीएफआय आणि एसडीपीआय सदस्य शफिक पायथ आणि मलप्पुरममधील पीएफआयचे पेरुमपदाप्पूचे सर्कल अध्यक्ष अब्दुल रझाक बीपी यांच्या निवासी जागेवर छापे टाकण्यात आले. याशिवाय, एर्नाकुलममधील मुवाट्टपुझा येथे पीएफआयचे अश्रफ एमके, तमार अश्रफ आणि अशरफ खादर यांच्या निवासी जागेवरही झडती घेण्यात आली. मनकुलम येथील मुन्नार व्हिला विस्टा प्रकल्पाच्या कार्यालयावरही छापे टाकण्यात आले.
एएनआय या वृत्तसंस्थेनुसार, जप्त करण्यात आलेली कागदपत्रे केरळमधील विविध प्रकल्पांद्वारे पीएफआयच्या मनी लाँड्रिंग क्रियाकलापांबाबतही सूचित करतात. यामध्ये मुन्नार व्हिला व्हिस्टा प्रकल्पाचाही समावेश आहे.
