निवडणूक 2024: निवडणूक आयुक्त अरुण गोयल यांचा राजीनामा

लोकसभा निवडणुकीला आता अवघे काही महिने उरले आहेत. अशा परिस्थितीत सर्वच राजकीय पक्ष आपला प्रचार करण्यात व्यस्त आहेत. देशात सध्या निवडणुकीची तयारी सुरू असतानाच निवडणूक आयुक्त अरुण गोयल यांनी शनिवारी आपल्या पदाचा राजीनामा देऊन सर्वांना आश्चर्याचा धक्का दिला. मात्र, आता सार्वत्रिक निवडणुकांच्या व्यवस्थेची संपूर्ण जबाबदारी मुख्य निवडणूक आयुक्त राजीव कुमार यांच्या खांद्यावर आली आहे. 

द्रौपदी मुर्मू यांनी अरुण गोयल यांचा राजीनामा स्वीकारला आहे. अनूप पांडे यांच्या निवृत्तीनंतर आणि गोयल यांनी यावर्षीच्या फेब्रुवारीमध्ये राजीनामा दिल्यानंतर, आता तीन सदस्यीय निवडणूक आयोगात केवळ मुख्य निवडणूक आयुक्त राजीव कुमार हेच उरले आहेत. अरुण गोयल हे मुख्य निवडणूक आयुक्त (CEC) होण्याच्या मार्गावर होते, त्यांचा कार्यकाळ 5 डिसेंबर 2027 पर्यंत होता. तर सध्याचे सीईसी राजीव कुमार पुढील वर्षी फेब्रुवारीमध्ये निवृत्त होणार आहेत. त्यांच्यानंतर गोयल हे पुढील मुख्य निवडणूक आयुक्त होणार होते.

सूत्रांनी दिलेल्या माहितीनुसार, गोयल यांनी वैयक्तिक कारणांमुळे राजीनामा देत असल्याचे म्हटले आहे. सरकारनेही राजीनामा देऊ नये म्हणून त्यांचे मन वळवण्याचा प्रयत्न केला, पण ते मान्य झाले नाहीत. 5 मार्च रोजी गोयल यांनी प्रकृतीचे कारण सांगून कोलकाता दौरा अर्ध्यावर सोडला होता, असा दावा सूत्रांनी केला आहे. 8 मार्च रोजी त्यांनी केंद्रीय गृहसचिवांसोबत निवडणुकीत केंद्रीय दलांच्या तैनातीबाबत झालेल्या बैठकीत भाग घेतला होता. त्यात मुख्य निवडणूक आयुक्त राजीव कुमारही उपस्थित होते. काही अहवालांनी असे सूचित केले की 'विविध मुद्द्यांवर मतभेद' होते ज्यामुळे राजीनामा दिला गेला. 

कोण आहेत अरुण गोयल?

पंजाबच्या पटियाला येथे राहणारे अरुण गोयल हे 1985 च्या बॅचचे पंजाब केडरचे आयएएस अधिकारी होते.

नोव्हेंबर 2022 मध्ये ते भारतीय निवडणूक आयोगात रुजू झाले.

7 डिसेंबर 1962 रोजी पटियाला येथे जन्मलेल्या अरुण गोयल यांनी गणितात एमएससी केले आहे.

गोयल यांना पंजाब विद्यापीठाच्या सर्व परीक्षांमध्ये टॉपिंगचा विक्रम कायम ठेवल्याबद्दल कुलपती पदक प्रदान करण्यात आले आहे. 

अरुण गोयल यांनी चर्चिल कॉलेज, केंब्रिज विद्यापीठ, इंग्लंडमधून विकास अर्थशास्त्र विषयात डिस्टिंक्शनसह पदव्युत्तर शिक्षण घेतले आहे आणि जॉन एफ केनेडी स्कूल ऑफ गव्हर्नमेंट, प्रतिष्ठित हार्वर्ड विद्यापीठ, यूएसए येथून प्रशिक्षण घेतले आहे.

अरुण गोयल यांनी 18 नोव्हेंबर 2022 रोजी स्वेच्छानिवृत्ती घेतली आणि एका दिवसानंतर त्यांची निवडणूक आयुक्त म्हणून नियुक्ती करण्यात आली. त्यांच्या नियुक्तीला सर्वोच्च न्यायालयात आव्हान देण्यात आले, 

ही याचिका नंतर 2023 मध्ये सर्वोच्च न्यायालयाच्या दोन न्यायाधीशांच्या खंडपीठाने फेटाळली. न्यायालयाच्या निकालात असे नमूद केले आहे की घटनापीठाने या समस्येचे परीक्षण केले होते, परंतु अरुण गोयल यांची नियुक्ती रद्द करण्यास नकार दिला होता.

Edited By- Priya Dixit