निवडणूक आयोगाने राज्यातील महापालिका आणि जिल्हा परिषद निवडणुकीसाठी उमेदवारांनी करायच्या खर्चाची मर्यादा वाढवण्यात आली आहे. यापूर्वी अ वर्गातील महापालिकांसाठी ( सदस्य संख्या 151-175 असलेल्या पालिका ) उमेदवारांना पाच लाखांपर्यंतच्या खर्चाची मुभा होती. ती वाढवून आता दहा लाख करण्यात आली आहे.
ज्या महापालिकेतील सदस्य संख्या 116-150 आहे, त्यांना 8 लाख रुपये, ज्या महापालिकेतील सदस्य संख्या 86-115 आहे, त्या महापालिकेतील उमेदवारांना 7 लाख, तर 65-85 सदस्य संख्या असलेल्या महापालिका उमेदवाराला 5 लाख रुपये खर्चाची मुभा असेल. जिल्हा परिषदांची निवडणूक लढणाऱ्या उमेदवारांना 6 लाख आणि पंचायत समितीच्या निवडणुका लढणाऱ्या उमेदवारांना 4 लाख खर्च करण्याची मुभा देण्यात आली आहे.
