जम्मू-काश्मीरमधील पुलवामा जिल्ह्यातील अवंतीपोरा येथे मंगळवारी संध्याकाळी सुरक्षा दल आणि दहशतवाद्यां मध्ये चकमक झाली. सुरक्षा दलाच्या गोळीबारात तीन दहशतवादी ठार झाले. त्याची ओळख पटवली जात आहे. लष्कराने ही माहिती दिली.
एडीजीपी काश्मीर म्हणाले की, एक दहशतवादी परदेशी आहे, तर दुसरा लष्कर-ए-तैयबाचा स्थानिक दहशतवादी आहे. मुख्तियार भट्ट असे त्याचे नाव आहे. सीआरपीएफच्या एएसआय आणि दोन आरपीएफ जवानांच्या हत्येसह विविध गुन्हेगारी प्रकरणांमध्ये त्याचा सहभाग आहे. सुरक्षा दलांची कारवाई सुरू आहे.
एका अधिकृत सूत्राने सांगितले की, सुरक्षा दलांना दहशतवादी लपल्याची माहिती मिळाली होती. यानंतर सुरक्षा दलांनी घटनास्थळी जाऊन दहशतवाद्यांना घेरले. यानंतर लपलेल्या दहशतवाद्यांनी सुरक्षा दलांवर गोळीबार केला. प्रत्युत्तरादाखल केलेल्या कारवाईत तीन दहशतवादी ठार झाले. सुरक्षा दलांचे ऑपरेशन अजूनही सुरू आहे. पुलवामा येथील अवंतीपोरा येथे झालेल्या चकमकीत सुरक्षा दलांनी तीन दहशतवाद्यांचा खात्मा केला.त्यात एका परदेशी दहशतवाद्याचाही समावेश आहे.
जम्मू-काश्मीर पोलिसांनी सांगितले की, लष्कर कमांडर मुख्तार भट याच्यासह तीन दहशतवादी ठार झाले आहेत. त्यांच्याकडून एक एके-74, एके-56 रायफल आणि एक पिस्तूल जप्त करण्यात आले आहे.अशा प्रकारे पोलीस आणि लष्कराने मिळून उरीसारखा हल्ला टळला आहे.दहशतवाद्यांकडून एक एके-47 रायफल, एक एके-56 रायफल आणि एक पिस्तूल जप्त करण्यात आली आहे.सूत्रांनी दिलेल्या माहितीनुसार, सुरक्षा दलांना दहशतवादी लपल्याची माहिती मिळाली होती.त्यानंतर त्यांना घेराव घालण्यात आला.घेरल्यानंतर दहशतवाद्यांनी गोळीबार सुरू केला.सुरक्षा दलांनी केलेल्या प्रत्युत्तरादाखल कारवाईत तीन दहशतवादी ठार झाले.
बिजबेहारामध्ये दहशतवाद्यांसोबत चकमक झाली.यामध्ये एक दहशतवादीही मारला गेला.त्याचवेळी अवंतीपोरा येथे तीन दहशतवादी मारले गेले.दुसरीकडे, रंगरेथमध्ये तीन दहशतवाद्यांनाही पकडण्यात आले.त्यांना लाल चौकात बॉम्बस्फोट करायचा होता.त्याची चौकशी सुरू आहे.दहशतवाद्यांना आयईडीचा वापर करून सुरक्षा दलांच्या ताफ्याला उडवायचे होते, अशी भीती व्यक्त केली जात आहे.मात्र, सतर्कतेमुळे मोठा हल्ला टळला.
