कुलगाम येथे झालेल्या चकमकीत १ दहशतवादी ठार तर ३ सुरक्षा कर्मचारी जखमी

जम्मू-काश्मीरमधील कुलगाम जिल्ह्यातील गुड्डर जंगलात दहशतवादी आणि सुरक्षा दलांमध्ये चकमक झाली आहे. या चकमकीत एका अधिकाऱ्यासह ३ सैनिक जखमी झाले आहे. अजूनही अनेक दहशतवादी लपून बसल्याचे वृत्त आहे.

मिळालेल्या माहितीनुसार काश्मीरच्या कुलगाम जिल्ह्यात दहशतवादी आणि सुरक्षा दलांमध्ये चकमक सुरू आहे. ३ सैनिक जखमी झाले आहे आणि सतत गोळीबार सुरू आहे. या चकमकीत १ दहशतवादी ठार झाला आहे. अधिकाऱ्यांनी सांगितले की, जम्मू-काश्मीर पोलिस, लष्कराच्या ९ राष्ट्रीय रायफल्स आणि सीआरपीएफच्या संयुक्त पथकाने शोध मोहीम सुरू केली, त्यानंतर ही चकमक सुरू झाली. जखमी सैनिकांवर उपचार सुरू आहे. तसेच माहिती समोर आली आहे की, गोळीबार अजूनही सुरू आहे आणि कारवाईत मदत करण्यासाठी अधिकाधिक सैन्य घटनास्थळी पाठवण्यात आले आहे. काश्मीर पोलिसांनी सांगितले की, कुलगामच्या गुड्डर जंगलात ही चकमक सुरू झाली. 

Edited By- Dhanashri Naik