बिहारमधील सहरसा जिल्ह्यातील सदर भागात एका अल्पवयीन मुलीवर चालत्या कारमध्ये तीन नराधमांनी सामूहिक लैंगिक अत्याचार केल्याचा आरोप आहे. पोलिसांनी दिलेल्या माहितीनुसार मुलीने आरडाओरडा केल्यावर पीडितेचा आवाज बाहेर येऊ नये म्हणून आरोपी कारमध्ये मोठ्या आवाजात संगीत वाजवत होते. या घटनेनंतर परिसरात एकच खळबळ उडाली आहे.
मिळालेल्या माहितीनुसार 16 सप्टेंबर रोजी सदर पोलिस स्टेशनच्या प्रमुखांना अल्पवयीन मुलीवर सामूहिक लैंगिक अत्याचार झाल्याची माहिती मिळाली. पीडितेची तातडीने वैद्यकीय तपासणी करण्यात आली. पण संशोधकांना कोणत्याही प्रकारची 'बाह्य जखम' दिसली नाही.
तसेच या घटनेतील आरोपींना अटक करण्यासाठी सदर उपविभागीय पोलीस अधिकाऱ्याच्या नेतृत्वाखाली विशेष तपास पथक स्थापन करण्यात आले. या पथकाने सदर पोलीस स्टेशन परिसरात राहणारा अजित कुमार या एका आरोपीला अटक केली असून इतर आरोपींना पकडण्यासाठी छापे टाकण्यात येत आहे. घटनेत वापरलेले वाहन देखील जप्त करण्यात आले असून पुढील तपास पोलीस करीत आहे.
Edited By- Dhanashri Naik
