मध्यप्रदेशातील इंदूर येथे पाच वर्षांच्या मुलीवर बलात्कार केल्याची घटना समोर आली आहे. पोलिसांनी रिक्षाचालकाला अटक केली आहे. मुलीला घरातून शाळेत नेत असताना आरोपी गैरवर्तन करायचा.
तीन दिवसांपूर्वी त्याने मुलीच्या नाजूक अंगाचा विनयभंग केला. मुलीने रडत रडत घडलेला प्रकार नातेवाईकांना सांगितला आणि नंतर पोलीस ठाण्यात तक्रार दाखल केली. माहितीनुसार ही मुलगी पळशीकर कॉलनी परिसरातील एका खासगी शाळेत शिकते.
शाळेत घेऊन जाताना गैरवर्तन करायचा
ऑटो रिक्षाचालक कामेश मुलांना शाळेत आणण्याचं काम करतो. मुलीच्या आईने पोलिसांना सांगितले की, रिक्षाचालक मुलीला घरातून शाळेत घेऊन जात असताना तिच्याशी गैरवर्तन करायचा.
मुलीला वेदना होत होत्या
तो मुलीचे कपडे उघडायचा आणि मुलीने विरोध केल्यावर तो मुंग्या काढतोय असे म्हणायचा. हे कृत्य आरोपी अनेक दिवसांपासून करत होते. 23 जुलै रोजीही त्याने असेच कृत्य केले होते. मुलीला खूप वेदना होत होत्या.
पोलिसांपर्यंत पोहोचून त्यांना घटनेची माहिती दिली
तिच्या आईने तिला विचारले असता तिने सांगितले की ऑटोचालक काकांनी असे कृत्य केले मुलीची व्यथा ऐकून नातेवाईक घाबरले. सायंकाळी पोलीस ठाण्यात पोहोचून संपूर्ण प्रकार सांगितला. पोलिसांनी तत्काळ एफआयआर नोंदवून आरोपीला अटक केली. याप्रकरणी पोलीस त्याची चौकशी करत आहेत. या घटनेनंतर मुलगी घाबरली आहे.
