कर्नाटक उच्च न्यायालयाने निलंबित केलेले जनता दल (एस) नेते प्रज्वल रेवन्ना यांना मोठा झटका बसला आहे. बलात्कार आणि लैंगिक छळ प्रकरणातील आरोपी प्रज्वल रेवन्ना याचा जामीन अर्ज न्यायालयाने फेटाळला आहे.
या प्रकरणाची सुनावणी करणाऱ्या न्यायमूर्ती नागप्रसन्ना यांच्या कोर्टाने महिनाभरापूर्वीच या प्रकरणाचा निर्णय राखून ठेवला होता. जेडीएसचे माजी खासदार प्रज्वल रेवन्ना यांच्यावर लैंगिक छळ आणि बलात्काराचे तीन गुन्हे दाखल आहेत.याशिवाय त्याच्यावर अनेक महिलांवर बलात्कार केल्याचाही आरोप आहे. माजी खासदारावर गुन्हा दाखल झाल्यानंतर जेडीएसने त्यांना पक्षातून निलंबितही केले होते.
सुनावणीदरम्यान, न्यायालयाने वकिलांना निर्देश दिले की, प्रकरणाशी संबंधित कागदपत्रांमध्ये विशिष्ट तपशील नमूद करण्याऐवजी पीडितांच्या नावांचा उल्लेख टाळावा.सोमवारी कर्नाटक उच्च न्यायालयाने त्यांचा जामीन अर्ज फेटाळला.
26 एप्रिल रोजी लोकसभा निवडणुकीच्या दुसऱ्या टप्प्यापूर्वी सोशल मीडियावर अनेक अश्लील व्हिडिओ व्हायरल झाले होते. प्रज्वलवर असेही आरोप आहेत की तो स्वत: महिलांचे लैंगिक शोषण करतानाचे व्हिडिओ रेकॉर्ड करायचा आणि नंतर रेकॉर्डिंग दाखवून तो महिलांना ब्लॅकमेल करून त्यांचे वारंवार शोषण करत असे.
हसनमध्ये मतदान केल्यानंतर एक दिवसानंतर प्रज्वल २७ एप्रिलला जर्मनीला गेला होता. सीबीआयने त्याच्याविरोधात ब्लू कॉर्नर नोटीस जारी केली होती. लैंगिक शोषण आणि बलात्कार प्रकरणी विशेष न्यायालयाने हसन खासदाराविरुद्ध १८ मे रोजी अटक वॉरंट जारी केले होते. 31 मे रोजी प्रज्वल बेंगळुरूच्या केम्पेगौडा विमानतळावर पोहोचताच एसआयटीने त्याला ताब्यात घेतले.
