राजस्थानमधील कोटा, ज्याला एकेकाळी भारतातील अभियंते आणि डॉक्टर तयार करण्यासाठी कोचिंग सिटी म्हटले जात असे. मात्र, आता एकामागून एक विद्यार्थी आत्महत्येची प्रकरणे समोर येत असल्याने त्याचे ‘सोसाइड सिटीत रूपांतर होताना दिसत आहे. कारण या शहराच्या दयनीय स्थितीचे वर्णन करणाऱ्या अनेक भयावह कथा समोर येत आहेत. इथे तयारीसाठी येणारे विद्यार्थी आता दडपण सहन करू शकत नाही. आणि विद्यार्थी मृत्यूला कवटाळत आहे.
कोटा येथे गुरुवारी आणखी एका विद्यार्थ्याने आत्महत्या केली. पोलिस आल्यावर त्याचे तोंड पॉलिथिनने झाकलेले होते आणि हाताला दोरी बांधलेली होती. घटनास्थळावरून एक सुसाईड नोटही सापडली असून त्यात त्याने स्वत:ला स्वत:लाच जबाबदार धरले आहे.मंजोत छाब्रा असे या मयत विद्यार्थ्यांचे नाव आहे. मनजोत छाबरा हा उत्तर प्रदेशातील रामपूरचा रहिवासी होता.18 वर्षीय मनजोत छाबरा NEET ची तयारी करत होता. कोटा येथील वसतिगृहात राहत होता. त्याने सांगितले की, मनजोत छाबरा 4 महिन्यांपूर्वीच कोटा येथे आला होता आणि वसतिगृहाच्या खोलीत एकटाच राहत होता.
गुरुवारी सकाळी 9.30 वाजेपर्यंत तो खोलीतून बाहेर पडला नाही, तेव्हा वसतिगृहात राहणाऱ्या मित्रांनी त्याला बोलावले. त्याने फोन न घेतल्याने त्याचे मित्र खोलीत गेले असता खोली आतून कुलूप असल्याचे दिसून आले. त्यानंतर सकाळी दहाच्या सुमारास त्यांनी कोचिंग डायरेक्टरला फोन केला. पोलिसांना या घटनेची माहिती मिळताच पोलिसांचे पथक सकाळी 10.15 च्या सुमारास वसतिगृहात पोहोचले आणि दरवाजा तोडून छाबरा यांचा मृतदेह बेडवर पडलेला आढळला.पोलिसांनी मृतदेह ताब्यात घेऊन प्रकरणाची नोंद केली आहे. पोलीस पुढील तपास करत आहे
