कुर्नूलमध्ये चालत्या बसला भीषण आग; अपघातात अनेकांचा मृत्यू झाल्याची भीती

हैदराबादहून बेंगळुरूला जाणाऱ्या बसमध्ये ४२ प्रवासी होते. आंध्र प्रदेशातील कुर्नूलमध्ये एका भीषण अपघातात प्रवाशांनी भरलेल्या बसला आग लागली. आगीने दरवाजा जाम झाला. अनेक प्रवाशांनी उड्या मारून बचावले. हैदराबादहून बेंगळुरूला जाणाऱ्या बसमध्ये ४२ प्रवासी होते असे वृत्त आहे. या अपघातात अनेकांचा मृत्यू झाल्याची भीती आहे.

हैदराबादहून बेंगळुरूला जाणाऱ्या बसमध्ये आग लागल्याने घबराट पसरली. काही वेळातच संपूर्ण बस जळून खाक झाली. १० हून अधिक जणांचा मृत्यू झाल्याची भीती आहे. जीव वाचवण्यासाठी अनेक प्रवाशांनी बसमधून उड्या मारल्या. जखमींना कुर्नूल जनरल हॉस्पिटलमध्ये दाखल करण्यात आले आहे.

उलिंडाकोंडाजवळ मोटारसायकल बसच्या इंधन टाकीला धडकल्याने हा अपघात झाल्याचे वृत्त आहे, ज्यामुळे बसला आग लागली. यामुळे बसचा दरवाजा जाम झाला आणि काही मिनिटांतच गाडी पूर्णपणे जळून खाक झाली. मृतांमध्ये एका दुचाकीस्वाराचा समावेश आहे.

राष्ट्रपती द्रौपदी मुर्मू यांनी अपघाताबद्दल दुःख व्यक्त केले आणि म्हटले की, "आंध्र प्रदेशातील कुरनूल येथे झालेल्या दुःखद बस आगीच्या घटनेत झालेले जीवित आणि वित्तहानी अत्यंत दुर्दैवी आहे. मी शोकाकुल कुटुंबांप्रती माझ्या मनःपूर्वक संवेदना व्यक्त करते आणि जखमींच्या लवकर पुनर्प्राप्तीसाठी प्रार्थना करते."  

मुख्यमंत्री चंद्राबाबू नायडू यांनीही X वरील त्यांच्या पोस्टमध्ये म्हटले आहे की, "कुरनूल जिल्ह्यातील चिन्ना टेकूर गावाजवळ झालेल्या भीषण बस आगीच्या दुर्घटनेबद्दल मला खूप धक्का बसला आहे. ज्या कुटुंबांनी आपल्या प्रियजनांना गमावले त्यांच्यासोबत माझ्या मनःपूर्वक संवेदना आहे. सरकारी अधिकारी जखमी आणि प्रभावित कुटुंबांना सर्वतोपरी मदत करतील."

Edited By- Dhanashri Naik