पानिपतमध्ये मॉडेल शीतल चौधरीची तिचा प्रियकर सुनीलने हत्या केली. दोघांमधील वाद वाढताच सुनीलने तिच्यावर चाकूने हल्ला करून तिची हत्या केली. पोलिसांनी आरोपीला अटक केली आहे. अशी माहिती समोर आली आहे.
मिळालेल्या माहितीनुसार हरियाणातील पानिपतमध्ये मॉडेल शीतल उर्फ सिम्मी चौधरीच्या हत्येप्रकरणी पोलिसांनी मोठा खुलासा केला आहे. मॉडेलची हत्या तिचा प्रियकर सुनीलने केली होती. पोलिसांनी आरोपीला अटक केली आहे आणि आता हत्येमागील कारण उघड झाले आहे. चार वर्षांपासून एकमेकांना ओळखणाऱ्या या जोडप्यामधील वाद अलीकडेच वाढल्याचे प्राथमिक तपासात समोर आले आहे.
डीएसपी यांनी पत्रकार परिषदेत सांगितले की, आरोपी सुनीलने आधीच हत्येची योजना आखली होती. घटनेच्या दिवशी दोघेही कारमध्ये होते. त्याच वेळी मॉडेलच्या मोबाईलवर दुसऱ्या एका तरुणाने फोन केला. हे पाहून सुनील संतापला आणि दोघांमध्ये जोरदार वाद झाला. रागाच्या भरात सुनीलने शीतलवर चाकूने हल्ला केला. व आरोपीने योजनेनुसार तिची कार कालव्यात फेकून दिली. पोलिसांनी कार जप्त केली आहे.
Edited By- Dhanashri Naik
