महाकुंभातील चेंगराचेंगरीनंतर रेल्वेचा मोठा निर्णय, प्रयागराजहून 360 हून अधिक विशेष गाड्या धावणार

Maha Kumbh stampede news : प्रयागराजमधील मौनी अमावस्येला होणारी गर्दी पाहता रेल्वेने एक मोठा निर्णय घेतला आहे. रेल्वेने आज प्रयागराज प्रदेशातील विविध स्थानकांवरून 360 हून अधिक गाड्या चालवण्याची योजना आखली आहे. त्याच वेळी, प्रयागराजला येणाऱ्या जत्रेच्या विशेष गाड्या अनेक ठिकाणी थांबवण्यात आल्या आहे. जेणेकरून जत्रेच्या परिसरात गर्दी वाढू नये. दरम्यान, पंडित दीनदयाळ जंक्शनवर प्रयागराजला जाणाऱ्या भाविकांची मोठी गर्दी आहे. रेल्वेने चांदौली जंक्शनवरून धावणाऱ्या कुंभमेळ्याच्या विशेष गाड्यांचे संचालन थांबवले आहे.

#MahaKumbh2025 | The Railways has planned to run more than 360 trains from the various stations in the Prayagraj region today. As of now, there is no plan to cancel any special train: Ministry of Railways

— ANI (@ANI) January 29, 2025

मिळालेल्या माहितीनुसार रेल्वेने फक्त कुंभमेळ्याच्या विशेष गाड्या थांबवल्या आहे. जे पंडित दीनदयाळ उपाध्याय जंक्शन येथून प्रयागराजला जाणार आहे. दीनदयाळ उपाध्याय रेल्वे विभागाचे कमर्शियल मॅनेजर मनीष कुमार यांनी सांगितले की, पुढील आदेश येईपर्यंत विशेष ट्रेनचे संचालन थांबवण्यात आले आहे. सध्या कुंभमेळ्याच्या विशेष गाड्या तात्पुरत्या बंद राहतील. प्रयागराजमध्ये प्रचंड गर्दी असल्याने रेल्वेने हा निर्णय घेतला आहे.  

प्रयागराजमध्ये झालेल्या चेंगराचेंगरीनंतर प्रशासन सध्या सतर्क आहे.  भाविकांच्या सुरक्षिततेचा विचार करून कडक व्यवस्था करण्यात आली आहे. दरम्यान, पंतप्रधान मोदींनी गेल्या दोन तासांत मुख्यमंत्री योगी यांच्याशी 3 वेळा चर्चा केली आहे आणि चेंगराचेंगरीबद्दल अपडेट घेतले आहे.

Edited By- Dhanashri Naik