NEET नीटची परीक्षा 21 जूनला होणार

नीट परीक्षा रद्द झाल्यानंतर, लाखो विद्यार्थ्यांच्या मनात एक प्रश्न होता की नीट परीक्षा पुन्हा घेतली जाईल का? याचे उत्तर सापडले आहे. नीट परीक्षेची नवीन तारीख जाहीर करण्यात आली आहे. ही परीक्षा जून महिन्यात होणार आहे.

नीट परीक्षेच्या नवीन तारखा जाहीर झाल्या आहे. नॅशनल टेस्टिंग एजन्सी (NTA) ने नीट पुनर्परीक्षेची नवीन तारीख जाहीर केली आहे. वैद्यकीय महाविद्यालयांमधील प्रवेशासाठी देशातील सर्वात मोठी प्रवेश परीक्षा असलेल्या नीट रद्द झाल्यानंतर, लाखो विद्यार्थी निराश आणि संतप्त झाले होते. परीक्षा रद्द झाल्यानंतर त्यांच्या मनात एकच प्रश्न सतत येत होता. नीट परीक्षा पुन्हा कधी घेतली जाईल? आता त्याचे उत्तर मिळाले आहे. एनटीए २१ जून रोजी नीट फेरपरीक्षा घेणार आहे. शिक्षण मंत्री धर्मेंद्र प्रधान आज सकाळी १०:३० वाजता नीट परीक्षेसंदर्भात अधिक माहिती देतील.

एनटीएने नुकतीच नीट परीक्षेसंदर्भात अधिकृत माहिती प्रसिद्ध केली आहे, ज्यात म्हटले आहे की भारत सरकारच्या मान्यतेने, नीट (यूजी) २०२६ फेरपरीक्षा रविवार, २१ जून, २०२६ रोजी घेण्याचे ठरवण्यात आले आहे. विद्यार्थ्यांना आता परीक्षेच्या तयारीसाठी एका महिन्यापेक्षा जास्त वेळ मिळाला आहे. परीक्षेसाठी प्रवेशपत्रे पुन्हा जारी केली जातील. यावेळी परीक्षेसंदर्भात संपूर्ण सुरक्षा उपाययोजना केल्या जातील.   

यापूर्वी, नॅशनल टेस्टिंग एजन्सीने ३ मे रोजी देशभरात नीट यूजी परीक्षा घेतली होती, ज्यात २२ लाखांहून अधिक विद्यार्थ्यांनी भाग घेतला होता. यानंतर, पेपरफुटी आणि अनियमिततेमुळे एनटीएने १२ मे रोजी परीक्षा रद्द करण्याचा निर्णय घेतला होता. आता या प्रकरणाचा तपास सीबीआयकडे सोपवण्यात आला आहे. विविध ठिकाणी विशेष पथके याचा तपास करत आहे.

Edited By- Dhanashri Naik