Video वैतागून ऑफिसमध्ये सोडला साप

Twitter

Person reached the Municipal Corporation office हैदराबादमधून एक धक्कादायक बातमी समोर आली आहे. तेथे एका व्यक्तीने महापालिकेच्या अधिकाऱ्यांना धक्काबुक्की केली. आपल्या घरी साप असून त्याला पकडण्यासाठी कोणाला तरी पाठवा, अशी तक्रार ही व्यक्ती वारंवार महापालिकेकडे करत होती. त्या व्यक्तीचे आवाहन व वारंवार तक्रारी करूनही महापालिकेचे कोणीही साप पकडण्यासाठी त्यांच्या घरी आले नाही.

अशा परिस्थितीत त्या व्यक्तीने उचलले असे पाऊल, ऐकून तुम्हीही थक्क व्हाल. पालिका अधिकाऱ्यांच्या दुर्लक्षामुळे व्यथित होऊन अखेर त्या व्यक्तीनेच सापाला पकडले. एवढेच नाही तर सापाला पकडल्यानंतर त्या व्यक्तीने थेट महापालिका कार्यालयात नेले. तेथे गेल्यानंतर त्यांनी साप थेट अधिकाऱ्यांच्या टेबलावर सोडला.

A resident released a snake in the GHMC ward office at Alwal, Hyderabad after officials failed to respond to his complaint. The snake had entered his home during the rain.

Imagine how compelled he must have been that he had to take this step.#TwitterTillu constantly extols… pic.twitter.com/lXgcpA3kir

— Vikram Goud (@VikramGoudBJP) July 26, 2023

महापालिका कार्यालयातील सापाचा व्हिडिओ सोशल मीडियावर व्हायरल होत आहे. व्हायरल झालेल्या व्हिडिओमध्ये दिसत आहे की, ऑफिसच्या टेबलावर एक साप पडून आहे आणि तेथून बाहेर पडण्याचा प्रयत्न करत आहे. इतकंच नाही तर त्याच वेळी ऑफिसमध्ये अनेक लोक उपस्थित असतात जे सापापासून अंतर राखत असतात. व्हिडिओमध्ये टेबलावर ठेवलेल्या सापाच्या लांबीबद्दल सांगायचे तर, तो सुमारे 5 फूट लांब आहे. याशिवाय ज्याने साप पकडला तोही अधिकाऱ्यांशी वाद घालताना दिसत आहे.

हा व्हिडिओ शेअर करत भाजप नेते विक्रम गौर यांनी ट्विट केले की, 'महापालिकेचे अधिकारी हैद्राबादच्या अलवालमध्ये कोणतीही सुनावणी घेत नव्हते. यानंतर एका व्यक्तीने सापाला पकडून जीएचएमसीच्या वॉर्ड ऑफिसमध्ये जाऊन सापाला तिथेच सोडले. पावसात हा साप त्यांच्या घरात घुसला होता. विक्रम गौर यांनी शेअर केलेल्या या व्हिडिओवर महापालिकेकडून अद्याप कोणतेही वक्तव्य आलेले नाही.