देशाचे पंतप्रधान नरेंद्र मोदी यांनी शुक्रवारी पुन्हा एकदा दिल्ली मेट्रोची राइड घेतली. दिल्ली विद्यापीठाच्या शताब्दी वर्ष सोहळ्यात सहभागी होण्यासाठी त्यांनी हा दौरा केला. पंतप्रधान मोदींना येथे प्रमुख पाहुणे म्हणून आमंत्रित करण्यात आले आहे.
यादरम्यान पंतप्रधान मोदींनी टोकन घेऊन सर्व नियमांचे पालन करत मेट्रोने प्रवास केला. ट्रेनमधील प्रवाशांशीही त्यांनी संवाद साधला.पंतप्रधान नरेंद्र मोदींनी दिल्ली विद्यापीठात जाण्यासाठी लोककल्याण मार्गावरून विश्व विद्यालय स्थानकापर्यंत मेट्रो घेतली.
पंतप्रधान मोदींनी मेट्रोच्या प्रवासाचे फोटो शेअर केले आहेत
या भेटीची छायाचित्रेही पंतप्रधान नरेंद्र मोदी यांनी त्यांच्या ट्विटर हँडलवरून शेअर केली आहेत. यासोबतच कार्यक्रमात सामील होण्यापूर्वीच पंतप्रधानांनी गुरुवारी ट्विट करून या सोहळ्यात सहभागी झाल्याची माहिती दिली.
त्यांनी लिहिले होते, उद्या सकाळी 11 वाजता दिल्लीच्या शताब्दी वर्ष सोहळ्यात सहभागी होईन. शिक्षणाचे प्रमुख केंद्र म्हणून, DU एक शतकाहून अधिक काळ प्रतिभांचे पालनपोषण करत आहे आणि बौद्धिक वाढीस चालना देत आहे. DU च्या प्रवासात हा टप्पा गाठल्याबद्दल संपूर्ण DU बंधुभगिनींचे अभिनंदन.
