साई चरणी कोट्यावधीचे दान

नोटबंदी निर्णयाचा साईंच्या दानावर कोणताही परिणाम झालेला दिसत नाही.मागील  50 दिवसात साईचरणी तब्बल 31 कोटी 73 लाखांच दान जमा झालं आहे. या व्यतिरिक्त व्हीआयपी पेड दर्शनाच्या माध्यमातून 3 कोटी 18 लाख रुपये दान म्हणून जमा झालं आहे.त्यामुळे कोणताच परिणाम दिसून येत नाही. यामध्ये वर्गवारी केली तर असे दिसुन येते की, यामध्ये 2 किलो 900 ग्राम सोने दान दिले आहेत. तर 56 किलो चांदी आणि दानपेटीत 18 कोटी 96 लाख रुपये जमा झाले आहेत. तर रीतसर पावती फाडूनदेणगी काऊंटरवर 4 कोटी 25 लाख रुपये जमा झाले आहेत. तर विदेशातून आणि इतर ठिकाणाहून ऑनलाईन 6 कोटी 66 लाख दान मिळाले आहेत. तर डेबीट / क्रेडीट कार्डद्वारे 2 कोटी 62 लाख आणि चेक / डीडी – 3 कोटी 96 लाख मिळाले आहत.प्रसादालय मोफत अन्नदान योजना 16 लाख रुपयांच दान मिळाले आहे. यामध्ये जर विचार केला तर 50 दिवसात 4 कोटी 53 लाखांच्या 1 हजार आणि पाचशेच्या जुन्या नोटा जमा झाल्या आहेत. तर 3 कोटी 80 लाखांच्या नव्या नोटा साईचरणी अर्पण झाले आहेत.