जम्मू-काश्मीरमध्ये दहशतवाद्यांनी पुन्हा एकदा एका पोलिसाची गोळ्या झाडून हत्या केली आहे. श्रीनगर जिल्ह्यातील सुरा भागात हा हल्ला झाला.या गोळीबारात पोलीस कर्मचारी सैफुल्लाह कादरी गंभीर जखमी झाला असून, उपचारादरम्यान त्यांचा मृत्यू झाला आहे. एवढेच नाही तर या हल्ल्यात त्यांची मुलगीही जखमी झाली आहे. जम्मू-काश्मीर पोलिसांनी या घटनेला दुजोरा दिला आहे.
पोलिस सूत्रांनी सांगितले की, सैफुल्ला कादरी यांना रुग्णालयात आणले असता मृत घोषित करण्यात आले. डॉक्टर जीएच यटू यांनी सांगितले की, सैफुल्लाह कादरी रुग्णालयात पोहोचल्यावर मृतावस्थेत आढळले. मात्र, त्यांच्या मुलीची प्रकृती स्थिर आहे. घटनेनंतर लगेचच पोलिसांनी परिसराला वेढा घातला असून दहशतवाद्यांचा शोध सुरू आहे.
विशेष म्हणजे, गेल्या काही महिन्यांत दहशतवाद्यांनी स्थानिक सैनिक, पोलिस आणि अल्पसंख्याक समुदायातील लोकांवर हल्ले वाढवले आहेत. एवढेच नाही तर परराज्यातून आलेल्या लोकांवर हल्लेही वाढले आहेत. ऑपरेशन ऑल आऊटमुळे सुरक्षा दलाच्या रोषामुळे दहशतवादी असे हल्ले करत असून त्यामुळे दहशत निर्माण होत असल्याचे मानले जात आहे. काश्मिरी पंडितांना परत आणण्याचे प्रयत्न, पंचायत निवडणुकीत लोकांचा सहभागही दहशतवाद्यांकडून धोक्यात आला आहे.
