जम्मू-काश्मीरमध्ये दहशतवाद्यांनी पुन्हा एकदा भ्याड कृत्य केले आहे. जम्मू विभागातील कठुआ जिल्ह्यातील हिरानगर तहसीलमधील सोहल भागात दहशतवाद्यांनी गोळीबार केला. गोळीबाराची माहिती मिळताच तेथे पोहोचलेल्या सुरक्षा दलांनी परिसराला वेढा घातला आहे. सुरक्षा दलांनी एका दहशतवाद्याचा खात्मा केला आहे. त्याचबरोबर एक सामान्य नागरिक जखमी झाल्याचीही माहिती समोर येत आहे. सध्या कारवाई सुरू आहे.
ज्या घरावर हल्ला झाला त्या घराचा मालकही मोबाईलवर संपर्कात आहे. पोलिस आणि निमलष्करी दलाची संयुक्त कारवाई सुरू आहे. आतापर्यंत एक दहशतवादी मारला गेला आहे.
दोन दिवसांपूर्वी दहशतवाद्यांनी रियासीमध्ये यात्रेकरूंच्या बसवर हल्ला केला होता. गोळीबारात चालकाचे नियंत्रण सुटल्याने बस खड्ड्यात पडली. यामध्ये नऊ जणांचा मृत्यू झाला असून 41 जण जखमी झाले.
सुरक्षा दलांनी जम्मू आणि राजौरी जिल्ह्यात हाय अलर्ट जारी केला असून दहशतवादी हल्ल्यानंतर शोधमोहीम सुरू आहे.पोलिस, लष्कर आणि सीआरपीएफच्या 11 पथके दहशतवाद्यांच्या शोधात व्यस्त आहेत.
