सप्टेंबर महिना आजपासून सुरू झाला आहे.आपल्या जीवनाशी संबंधित अनेक नियम बदलले आहेत, जे आपल्या खिशावर देखील परिणाम करतील.1 सप्टेंबरपासून कोणते नियम बदलले आहेत ते जाणून घेऊ या.
1 ईपीएफ-आधार लिंक आवश्यक-आजपासून म्हणजेच 1 सप्टेंबरपासून,जर आपले युनिव्हर्सल अकाउंट नंबर (यूएएन)आपल्या आधार कार्डाशी जोडलेले नसेल,तर आपला नियोक्ता आपल्या भविष्य निधी खात्यात पैसे जमा करू शकणार नाही.जर आपण पीएफ खात्याशी आधार कार्ड लिंक केले नाही तर 1 सप्टेंबरपासून आपल्याला अनेक समस्यांना सामोरे जावे लागेल. हे दोन्ही लिंक करण्याची तारीख या आधीच 2 वेळा वाढवली होती.
2 जीएसटी रिटर्न्सवर 1 सप्टेंबर पासून नवे नियम-जीएसटी कलेक्शन मध्ये झालेली घट पाहता,सरकारने उशिरा कर जमा करणाऱ्यांवर कारवाई करण्याची तयारी केली आहे.आता सरकारने म्हटले आहे की जीएसटी भरण्यास विलंब झाल्यास 1 सप्टेंबर पासून नेट करावर व्याज आकारले जाईल.सरकारने म्हटले आहे की वस्तू आणि सेवा कर (जीएसटी) भरण्यास विलंब झाल्यास 1 सप्टेंबरपासून एकूण कर दायित्वावर व्याज आकारले जाईल.
3 चेक क्लियरिंग सिस्टम- 1 सप्टेंबर पासून 50,000 रुपयांपेक्षा जास्तीचे चेक जारी केल्यास आपण अडचणीत येऊ शकता.बँकांनी आता पॉजिटीव्ह पे सिस्टम(PPS) लागू करण्यास सुरुवात केली आहे.बहुतांश बँक 1 सप्टेंबर पासून PPS लागू करणार आहे.
4 कार विम्याचे नियम- मद्रास उच्च न्यायालयाने 1 सप्टेंबरपासून निर्णय दिला आहे की, जेव्हाही नवीन वाहन विकले जाईल तेव्हा त्याचा बंपर ते बंपर विमा अनिवार्य असावा.हा विमा 5 वर्षांच्या कालावधीसाठी वाहनचालक,प्रवासी आणि वाहनाचे मालक यांच्या विम्या व्यतिरिक्त असेल.बंपर ते बंपर विमा वाहनाचे ते भाग देखील कव्हर करेल जे सहसा विमा कंपन्यांनी कव्हर केलेले नाहीत.
5. डिस्ने + हॉटस्टारची प्लॅन महाग होईल- ओटीटी प्लॅटफॉर्म डिस्ने + हॉटस्टारची सदस्यता देखील 1 सप्टेंबरपासून महाग होईल.युजर्सला बेस प्लॅनसाठी 399 रुपयांऐवजी 499 रुपये द्यावे लागतील. 2 फोनमध्ये अॅप चालवण्यासाठी वापरकर्त्यांना 899 रुपये द्यावे लागतील.
