मध्य प्रदेशातील दमोह येथे झालेल्या भीषण रस्ता अपघातात सात जणांचा मृत्यू झाला असून तीन जण जखमी झाले आहेत. दमोहच्या समन्ना तिरहाईजवळ भरधाव वेगाने येणाऱ्या ट्रकने ऑटोला धडक दिली आणि ऑटोमध्ये बसलेल्या लोकांना चिरडून निघून गेला. या घटनेत सात जणांचा जागीच मृत्यू झाला असून तीन जण जखमी झाले आहेत. सर्व जखमींना उपचारासाठी जिल्हा रुग्णालयात दाखल करण्यात आले आहे.
दमोहकडून ऑटोने बंदकपूरला जात असताना मागून येणाऱ्या लोडर ट्रकने त्यांना चिरडले. यामध्ये ऑटोचा चक्काचूर झाला, जखमींना वाचवून जिल्हा रुग्णालयात आणण्यात आले.
या प्रकरणाचा तपास सुरू असून, 7 जणांचा मृत्यू झाला आहे, तर 3 जण जखमी आहेत, त्यापैकी 2 जणांना जबलपूरला पाठवण्यात आले आहे.
जखमी कोठून आहेत आणि मृत कोण आहेत हे अद्याप सांगता आलेले नाही.. ही घटना कशी घडली आणि नेमके कारण काय याचा तपास सुरू आहे. वरिष्ठ अधिकारी घटनास्थळी पोहोचले असून जेसीबीच्या मदतीने बचावकार्य सुरू आहे.
