Video Viral उज्जैनच्या महाकाल मंदिरात फिल्मी गाण्यांवर व्हिडिओ बनवण्याचे आणखी एक नवीन प्रकरण समोर आले आहे. यावेळी हा व्हिडिओ सामान्य माणसाने बनवला नसून मंदिरात तैनात असलेल्या महिला सुरक्षा कर्मचाऱ्यांनी बनवला आहे. यानंतर खासगी सुरक्षा संस्थेने दोन्ही महिला कर्मचाऱ्यांना निलंबित केले आहे. हा व्हिडिओ इंस्टाग्रामवर मोठ्या प्रमाणात व्हायरल होत आहे. याप्रकरणी कारवाई करण्याच्या सूचनाही देण्यात आल्या आहेत.
काय आहे व्हायरल व्हिडिओमध्ये
व्हायरल व्हिडिओमध्ये काळ्या पोशाखात दोन महिला सुरक्षा कर्मचारी 'प्यार प्यार करते' आणि 'जीने के बहाने लाख' वर नाचताना दिसत आहेत. हा व्हिडिओ इंस्टाग्रामवर व्हायरल झाला आणि अधिकाऱ्यांच्या लक्षात आला. अलीकडेच मंदिर आणि गर्भगृहाच्या आतील व्हिडिओंनी सोशल मीडियावर खळबळ उडवून दिली असून मध्य प्रदेशचे गृहमंत्री नरोत्तम मिश्रा यांनी चौकशीचे आदेश दिले आहेत.
फोटोग्राफी आणि मोबाईल फोनवर निर्बंध
नोव्हेंबरमध्ये प्रशासनाने मंदिराच्या गर्भगृहात फोटोग्राफी आणि मोबाईल फोनवर बंदी घातली होती. महाकाल लोकोत्सवाच्या उद्घाटनानंतर भाविकांच्या संख्येत वाढ झाली आहे. गर्भगृहात येणारे भाविक सेल्फी घेतात आणि फोटो क्लिक करतात, त्यामुळे सर्वसामान्य भाविकांना दर्शन घेताना अनेक अडचणींचा सामना करावा लागतो. उज्जैनचे जिल्हाधिकारी सिंह म्हणाले की, मागील बंदी आदेशाची पुन्हा अंमलबजावणी होत असून गर्भगृहात मोबाईल आणि फोटोग्राफी नेण्यास पूर्ण बंदी आहे.
