अंडरवर्ल्ड डॉन दाऊद पाकिस्तानातच: गृहमंत्री
1993
साली मुंबईत झालेल्या बॉम्बस्फोट मालिकेतील मुख्य आरोपी अंडरवर्ल्ड डॉन दाऊद इब्राहिम पाकिस्तानातच आहे. त्याला लवकरच पकडून भारतात आणणार असल्याचे केंद्रीय गृहमंत्री सुशीलकुमार शिंदे यांनी सांगितले. मात्र या कामात अमेरिकेची मदत घ्यावी लागणार असल्याचेही शिंदे म्हणाले. शिंदे म्हणाले, दाऊद पाकिस्तानातच आहे. त्याला पकडण्यासाठी आम्ही एफबीआय या अमेरिकेच्या तपास संस्थेच्या संपर्कात आहोत. एफबीआयने आम्हाला मदतीचे आश्वासन दिले आहे. अमेरिकेच्या मते दाऊद आणि अल कायदा या दहशतवादी संघटनेची घनिष्ठ मैत्री आहे. '
आदर्श'ची जमीन राज्य सरकारचीच.. शिंदे यांनी मुंबईतील बहुचर्चित आदर्श घोटाळ्यासंबंधीही स्पष्टीकरण दिले. शिंदे यांनी राज्याचे मुख्यमंत्रिपदही भूषवले असून त्यांच्यावरही आदर्श प्रकरणाचे शिंतोडे उडाले आहेत. आदर्श सोसायटीच्या जमीन वाटपात कोणताही घोटाळा झालेला नाही. तुम्ही चौकशी अहवाल पाहू शकता. ती जमीन महाराष्ट्र सरकारच्याच मालकीची होती. कारगिलमध्ये शहीद झालेल्या जवानांसाठीच्या सोसायटीसाठी ती देण्याची कोणतीही तरतूद नव्हती, असे शिंदे म्हणाले.