Chaitra Navratri 2025: यावेळी चैत्र नवरात्र ९ ऐवजी ८ दिवसांची असेल, शुभ मुहूर्त आणि पूजेची पद्धत जाणून घ्या

Chaitra Navratri 2025: चैत्र नवरात्र 30 मार्च पासून सुरु होऊन 6 एप्रिल रोजी संपेल. यंदा देवी आई हत्तीवर स्वार होऊन येणार जे समृद्धीचे संकेत आहे. तर चला जाणून घेऊया घटस्थापना शुभ मुहूर्त आणि पूजा विधी-

हत्तीवर स्वार देवी दुर्गेचे आगमन - काय परिणाम होईल?

शास्त्रांनुसार जर देवी दुर्गा हत्तीवर स्वार होऊन आली तर ते समृद्धी, शांती आणि चांगल्या पावसाचे लक्षण आहे. यामुळे संपत्ती वाढते आणि देशाची अर्थव्यवस्था मजबूत होते. विशेष म्हणजे यावेळी माँ दुर्गा हत्तीवर स्वार होऊन प्रस्थान करेल, जे खूप शुभ मानले जाते.

घटस्थापना मुहूर्त आणि शुभ योग

चैत्र नवरात्री शुभारंभ यावर्षी सर्वार्थ सिद्धि योगात होणार, जे याला अधिक शुभ बनवते. या दिवशी अती शुभ इंद्र योग तयार होत आहे ज्याने पूजा-पाठाचे महत्व अधिकच वाढते.

घटस्थापना शुभ काळ:

सकाळी 06:13 ते 10:22 पर्यंत

अभिजीत मुहूर्त: 12:01 ते 12:50 पर्यंत

पूजा दरम्यान घटस्थापना (कलश स्थापना) करणे अत्यंत महत्वाचे आहे कारण हे दुर्गा देवीचे आवाहन करण्याचे प्रतीक मानले जाते.

कलश स्थापना नियम- विधी

पूजा योग्यरित्या पूर्ण होण्यासाठी आणि माँ दुर्गेचा आशीर्वाद मिळावा म्हणून कलश स्थापनासाठी काही महत्त्वाचे नियम पाळणे आवश्यक आहे.

पूजास्थळ स्वच्छ करा आणि पवित्र पाण्याने ते शुद्ध करा.

सोने, चांदी, तांबे किंवा मातीपासून बनवलेले कलश निवडा, हे सर्वात शुभ मानले जातात.

कलशावर स्वस्तिक चिन्ह बनवा, ते मौलीने गुंडाळा आणि त्यावर आंब्याची पाने ठेवा.

भांड्यात पाणी भरा आणि त्यात लवंग, वेलची, सुपारी, हळद, तांदूळ आणि एक नाणे घाला.

मातीच्या भांड्यात जव (सात प्रकारचे धान्य) पेरा, ते समृद्धीचे प्रतीक आहे.

तुपाचा दिवा लावून माँ दुर्गेच्या पूजेची सुरुवात करा.

कलश स्थापना करताना काय करु नये?

रात्रीच्या वळी कलश स्थापना करु नये. अमावस्या तिथीत कलश स्थापना अशुभ मानले जाते. पूजा स्थळ स्वच्छ असावे. याने नकारात्मक ऊर्जा उत्पन्न होते.

नवरात्रि व्रत महत्व - विधी

चैत्र नवरात्रीत अनके श्रद्धालु 9 दिवस उपवास करतात परंतु यंदा नवरात्रि 8 दिवसाची असेल. व्रत दरम्यान फलाहार किंवा सात्विक आहार याचे सेवन केले जाते.

चैत्र नवरात्र आणि शारदीय नवरात्र यात अंतर

भगवान रामाची जयंती (रामनवमी) चैत्र नवरात्रीत (मार्च-एप्रिल) साजरी केली जाते. दुर्गा पूजा आणि दसरा शारदीय नवरात्रीत (सप्टेंबर-ऑक्टोबर) साजरे केले जातात. हिंदू नववर्षाची सुरुवात चैत्र नवरात्रीने होते.

डिस्क्लेमर: हा लेख धार्मिक श्रद्धेवर आधारित असून केवळ माहिती प्रदान करण्यासाठी दिला जात आहे. वेबदुनिया याला दुजोरा देत नाही. कोणतेही उपाय किंवा उपासनेच्या पद्धतीसाठी तज्ञांचा सल्ला घ्यावा.