मोबाइल चोरीस गेल्यावर त्याचा कसा वापर केला जाईल, हे सांगता येणे कठीण आहे. अनेक वेळा त्याचा दुरुपोगच होत असतो. असाच प्रकार ऑस्ट्रेलिातील जॉन ब्रेनले (नाव बदलले आहे) याच्यासंदर्भात घडला आहे. ते कुटुंबासमवेत युरोप प्रवासात होते. त्यावेळी त्यांच्या मुलाचा फोन चोरीस गेला होता. या फोनचा वापर चोराने इतका केला की च्याचे कोट्यावधी रुपयांचे बिल ब्रेनले यांच्या नावावर आले.
त्यांनी फोनची सुविधा देणार्‍या ओम्बड्समन या ऑस्ट्रेलियन कंपनीस तशी सूचना दिली. परंतु, जेव्हा ते ऑस्ट्रेलियाला परतले तेव्हा बिल पाहून त्यांना आश्चर्याचा धक्काच बसला. कंपनीने त्यांना 3 कोटी 15 लाख 37 हजारांचे बिल पाठविले होते. तपासाअंती असे समजले की, चोरीस गेलेल्या फोनचा वापर डेव्हिड नावाच्या एका माणसाने केला होता. त्याने एका दिवसात अनेक वेळा सोमालियास कॉल केले होते. ओम्बड्समन कंपनीने त्याला सांगितले, ज्यांचा फोन चोरीस गेला त्याच्या दुसर्‍या दिवशी त्यांनी तक्रार केली होती. शेवटी कंपनीने त्यांचे बिल माफ केले.
