Apple ने 9 सप्टेंबर रोजी झालेल्या लाँच इव्हेंटमध्ये iPhone 17 सिरीजचे फोन लाँच केले. या सिरीजमध्ये चार फोन सादर करण्यात आले होते, ज्यामध्ये iPhone 17 Pro आणि Pro Max हे सर्वात आकर्षक मॉडेल होते. iPhone 17 Pro Max मध्ये मागील सर्व डिव्हाइसेसच्या तुलनेत आतापर्यंतची सर्वात मोठी बॅटरी आहे.
यावेळी Apple ने iPhone 17 Pro आणि Pro Max पूर्णपणे नवीन शैलीत सादर केले आहेत. फोनच्या मागील बाजूस असलेला कॅमेरा मॉड्यूल आता संपूर्ण बॉडीवर पसरलेला आहे, ज्याला कंपनीने "Full-with Camera Plateau" असे नाव दिले आहे. हा बदल फोनला एक नवीन लूक तर देतोच, पण फोटोग्राफीचा अनुभवही सुधारतो. iPhone 17 Pro मालिकेतील तिन्ही कॅमेरे 48-मेगापिक्सेल सेन्सरसह येतात. विशेषतः टेलिफोटो लेन्समध्ये मोठा अपग्रेड दिसून आला आहे, जिथे गेल्या वर्षीचा 12MP लेन्स काढून टाकण्यात आला आहे आणि 56% मोठा सेन्सर असलेला एक नवीन लेन्स जोडण्यात आला आहे. कंपनीचा दावा आहे की यामुळे 8x ऑप्टिकल क्वालिटी झूमपर्यंत उत्तम परिणाम मिळतील.
अॅपलने आयफोन 17 प्रो मॅक्सला आतापर्यंतचा सर्वाधिक बॅटरी बॅकअप असलेला आयफोन म्हणून वर्णन केले आहे. प्रो मॅक्सवर वापरकर्त्यांना 37 तासांपर्यंत व्हिडिओ प्लेबॅक मिळेल, जो आयफोन16 प्रो मॅक्सपेक्षा सहा तास जास्त आहे. आयफोन 17 प्रोमध्ये बॅटरी लाइफ देखील सुधारण्यात आली आहे.अतिरिक्त जागेत जास्त बॅटरी पॉवर बसवण्यात आली आहे.फोनच्या पुढच्या आणि मागच्या दोन्ही बाजूला स्क्रॅच-रेझिस्टंट सिरेमिक शील्ड आहे
आयफोन17 प्रो मध्ये 6.3-इंच आणि प्रो मॅक्स मध्ये 6.9-इंच सुपर रेटिना XDR OLED डिस्प्ले आहे. दोन्ही मॉडेल्स प्रोमोशन 120Hz रिफ्रेश रेटला सपोर्ट करतात. आकारात फारसा बदल झालेला नाही, परंतु रंग पर्याय नवीन आहेत. यावेळी फोन सिल्व्हर, ब्लू आणि ऑरेंज रंगांमध्ये उपलब्ध असेल, ज्यामध्ये ऑरेंज व्हेरिएंट सर्वात जास्त आकर्षण निर्माण करेल.
नवीन प्रो सिरीज फोन्स Apple च्या A19 Pro चिपसेटद्वारे समर्थित आहेत, जो 3nm तंत्रज्ञानावर आधारित आहे. यात 6-कोर CPU आणि 5-कोर GPU आहे. कंपनी म्हणते की हा "जगातील सर्वात वेगवान स्मार्टफोन प्रोसेसर" आहे, जो कामगिरी आणि पॉवर कार्यक्षमता दोन्हीमध्ये एक नवीन मानक स्थापित करतो.
आयफोन 17 प्रोची सुरुवातीची किंमत 1,34,900 रुपये ठेवण्यात आली आहे, तर आयफोन 17 प्रो मॅक्सची किंमत 1,49,900 रुपयांपासून सुरू होते. ही किंमत दोन्ही मॉडेल्सच्या बेस 256GB स्टोरेज व्हेरिएंटसाठी आहे. आयफोन 17 सिरीजची प्री-बुकिंग 12 सप्टेंबरपासून सुरू होईल, तर तुम्ही ते 19 सप्टेंबरपासून ऑर्डर करू शकाल.
