पुणे रेल्वे स्थानकावरून प्रवास करणाऱ्या प्रवाशांच्या सुरक्षिततेसाठी 160 नवीन आर्टिफिशियल इंटेलिजेंस (एआय) आधारित सीसीटीव्ही कॅमेरे बसवण्यात आले आहेत.हे नवीन सीसीटीव्ही कॅमेरे या महिन्याच्या अखेरीस कार्यान्वित होतील. यामुळे स्टेशन परिसराची सुरक्षा आणखी मजबूत होईल.
दिल्लीतील बॉम्बस्फोटांच्या पार्श्वभूमीवर, हे कॅमेरे पुणे रेल्वे स्थानकाच्या सुरक्षेसाठी महत्त्वाचे ठरतील . सध्या, रेल्वे स्थानकावर 75 जुने सीसीटीव्ही कॅमेरे आहेत. हे 160 नवीन, उच्च दर्जाचे कॅमेरे कार्यान्वित झाल्यानंतर, जुने कॅमेरे काढून टाकले जातील.
या नवीन सीसीटीव्ही सिस्टीमचे सर्वात महत्त्वाचे वैशिष्ट्य म्हणजे त्यांची चेहरा ओळखण्याची क्षमता. हे कॅमेरे केवळ रेकॉर्डिंगच करणार नाहीत तर पोलिसांच्या यादीतील गुन्हेगारांचे चेहरे ओळखण्यास देखील सक्षम असतील.
जर पोलिसांच्या नोंदींमध्ये नोंद असलेला कोणताही गुन्हेगार किंवा संशयास्पद व्यक्ती स्टेशन परिसरात प्रवेश करत असेल तर ही यंत्रणा तात्काळ सक्रिय केली जाईल आणि कोणताही विलंब न करता संबंधित व्यक्तीची आणि त्याच्या मूळ ठिकाणाची माहिती थेट रेल्वे पोलिसांच्या नियंत्रण कक्षाला पाठवली जाईल.
यामुळे पोलिसांना वेळेवर कारवाई करता येईल आणि गुन्हेगारी कारवायांना आळा घालता येईल. नवीन कॅमेऱ्याच्या वैशिष्ट्यांमध्ये स्पष्ट रात्रीचे दृश्य, 4K दर्जाचा कॅमेरा, एआय तंत्रज्ञान आणि चेहरा ओळखणे यांचा समावेश आहे.
