नीट पेपरफुटी प्रकरणात अडकलेले शिवराज मोटेगावकरच्या मुलासह आरसीसीच्या विद्यार्थ्यांची सीबीआय चौकशी

शिवराज मोटेगावकर यांना NEET UG 2026 पेपरफुटी प्रकरणात CBI ने अटक केली आहे. आरसीसी कोचिंगचे शिवराज मोटेगावकर यांना नीट पेपरफुटी प्रकरणात ९ दिवसांची सीबीआय कोठडी सुनावण्यात आली आहे. त्यांनी आपल्या मुलासाठी पेपरफुटी केल्याचा त्यांच्यावर संशय आहे.

CBI ने १८ मे २०२६ रोजी पुण्यातून अटक केली. विशेष CBI कोर्टाने ९ दिवसांची CBI कोठडी दिली. तो आतापर्यंतचा १०वा अटक झालेला आरोपी आहे. CBI नुसार, शिवराज रघुनाथ मोटेगावकर हे संगठित टोळीचे सक्रिय सदस्य आहे. त्यांनी इतर आरोपींसोबत २३ एप्रिल २०२६ रोजी (परीक्षेपूर्वी) लीक झालेला पेपर आणि उत्तरं मिळवली. त्यांच्या मोबाइलमध्ये लीक पेपर सापडला. हस्तलिखित नोट्सद्वारे पेपर वितरित केल्याचा आरोप आहे.

मुलगा आणि RCC विद्यार्थ्यांशी संबंध

CBI आणि वृत्तानुसार, संशय आहे की मोटेगावकर यांनी स्वतःच्या मुलासाठी जो १२वी पास झाला आणि NEET २०२६ ला बसला होता पेपर मिळवला/वितरित केला. त्याला वैद्यकीय प्रवेश मिळावा म्हणून हा कथित प्रयत्न असल्याची चर्चा आहे.  

CBI याची चौकशी करत आहे

RCCच्या मॉक टेस्ट/गेस पेपरमध्ये NEET चे अनेक प्रश्न जुळल्याचे व्हायरल व्हिडिओ आहे. CBI तपासात RCC च्या नेटवर्कमधून (लातूर, पुणे, नांदेड इ.) पेपर वितरित झाल्याचा भाग तपासला जात आहे. अटक झाल्यानंतर पुण्यातील RCC शाखा अचानक बंद झाल्याची बातमी आहे.

Edited By- Dhanashri Naik