कोरोना लॉकडाउनमुळे पाच महिन्यांपासून बंद असलेली पीएमपीएमल बससेवा सुरु करण्यात येणार आहे. येत्या 3 सप्टेंबर 2020 पासून 25 टक्के बस रस्त्यावर धावणार आहे. असा निर्णय संचालक मंडळाच्या बैठकीत घेण्यात आला. यामुळे सार्वजनिक वाहतूक असलेली पीएमपीएल बस सुरु होणार असल्याने पुणे, पिंपरी-चिंचवडमधील प्रवाशांना मोठा दिलासा मिळणार आहे.
कोरोना विषाणूचा प्रार्दुभाव रोखण्यासाठी पुणे व पिंपरी-चिंचवड शहरातील पीएमपीएमएल परिवहन सेवा देशामध्ये संचारबंदी लागू झाल्यापासून बंद करण्यात आलेली होती. पुणे व पिंपरी-चिंचवड पालिका कार्यक्षेत्रामधील लोकप्रतिनिधी, पदाधिकारी, विद्यार्थी, कामगार तसेच नागरीकांकडून दैनंदिन पीएमपीएमएल बससेवा सुरु करण्याची ब-याच दिवसांपासून वारंवार मागणी करण्यात येत होती.
