साहित्य : बटर, गोड दही, मीठ, साखर, आले, ओल्या मिरच्या, सुक्या मिरच्या, दोन चमचे तूप, हिंग, जिरे, कढीलिंब, कोथिंबीर.
कृती : बटर गरम पाण्यात बुडवून काढावेत. गोड ताकात चवीपुरते मीठ व साखर घालावी व त्याच पाण्यात भिजवून घेतलेले बटर बुडवून एक तास भिजत ठेवावेत. बटर एकावर एक न घालता पसरून ठेवावेत. दही घुसळून घ्यावे. नंतर त्यात थोडे मीठ, थोडी साखर, आले, ओल्या मिरच्या वाटून घालाव्यात. तुपात हिंग, जिरे, सुक्या मिरच्या व कढीलिंब घालून फोडणी करावी व दह्याला द्यावी.
नंतर खावयास देताना भिजत ठेवलेला बटर डिशमध्ये घालून त्याच्यावर वरील तयार केलेले दही व कोथिंबीर घालावी. हे बटर अगदी दहीवड्यासारखे दिसतात व चवीला तसेच लागतात.
