साहित्य : पाव किलो कोवळी भेंडी, चमचाभर लाल तिखट, अर्धा चमचा प्रत्येकी धणेपूड व जिरेपूड, चमचाभर आमचूर, अर्धा चमचा गरम मसाला, चिमूट कसुरी मेथी, प्रत्येकी दोन टोमॅटो व कांदे, मीठ, हळद, अर्धी वाटी तेल.
कृती : भेंडीचे डोके व देठ तोडून उभी चीर फक्त एका बाजूने द्यावी व भरपूर तेलावर भेंडी परतून घ्यावी. कांदा पातळ उभा चिरून परतावा, नंतर त्यात लाल तिखट, धणे- जिरे पूड, आमचूर, गरम मसाला घालून हलवावे. मीठ व हळद घालावी. कसुरी मेथीपूड टाकावी. शिजल्यावर टोमॅटोचे उभे पातळी काप वर टाकावेत. कोथिबीर घालावी व झाकण ठेवून गॅस बंद करावा. गरम भाजीत टोमॅटो शिजतात.
