मुंबई- बॉलीवूड अभिनेत्री रेखा यांच्या घरात डेंग्यू तपासणीसाठी आलेल्या मुंबई महानगरपालिकेच्या आरोग्य विभाग पथकाला प्रवेश नाकारण्यात आल्याने रेखा यांना महापालिका निगम 488 कलमानुसार नोटिस बजावली गेली आहे.
मिळालेल्या माहितीनुसार बांद्रा येथे मुंबई महापालिका आरोग्य विभागाच्या पथकाने सेलिब्रिटींच्या घरी डेंग्यू तपासणीसाठी मोहीम आखली होती. यात सचिन तेंडुलकर, रिना रॉय, आमीर खान, फरहान अख्तर यांच्या घरी तपासणी केली गेली. मात्र रेखा घरी नसल्याने त्यांच्या घरात या पथकाला जाऊ दिले गेले नाही. त्या संदर्भात त्यांना कलम 488 नुसार नोटिस बजावण्यात येत आहे. या नियमानुसार पथक रेखा यांच्या घरात जबरदस्तीनेही घुसू शकणार आहे. नोटिस घेतली गेली नाही तर ती त्यांच्या दारावर चिकटवली जाणार आहे.
दिग्दर्शक झोया अख्तर यांच्या घरातील तपासणीत तेथे डेंग्यूचा प्रादुर्भाव आढळला असल्याने त्यांनाही नो‍टीस बजावली गेली आहे.
