ऐत्या घरात घरोबा अशी मराठीत म्हण आहे आणि ती सिद्ध केली आहे काही चोरांनी. दिवाळीच्या सुट्टीनिमित्त परगावी गेलेल्या डॉक्टर च्या बंगल्यात दोन चोरांनी दिवाळी साजरी केली.घरात घुसलेल्या या चोरांनी घरातच मुक्काम ठोकत दोन दिवस वास्तव्य केलहोते.
वसईमधल्या माणिकपूर येथील डॉक्टर प्रशांत पाध्ये दिवाळीत बाहेरगावी गेल्यानं त्यांचा पारिजात बंगला रिकामा होता. ती संधी साधून दोन चोर घरात घुसले होते.
घरात चहा, पोहे बनवून हे चोर खात होते. पाध्येंचा बंगला आपलाच असल्याच्या तोऱ्यात या चोरांनी बंगल्यात मुक्काम होता. बंगल्यात राहताना त्यांनी डॉक्टर पाध्येंच्या खाजगी डायरीमधून त्यांच्या बँकेचे अकाउंट नंबर आणि पासवर्डही चोरले होते.
मात्र शेजाऱ्यांना बंगल्यातल्या हालचालीचा संशय आला आणि त्यांनी पोलिसांना बोलवून घेतलं. या चोरांनी 22 हजारांचा मुद्देमाल चोरल्याचं पोलीस तपासात उघड झालंय. पोलिसांनी आरोपी राजकुमार निशादला अटक केलीय. तर दुसरा सहकारी पळून जाण्यात यशस्वी झाला. याबाबत पोलिसांनी गुन्हा नोंद केला असून तपास करत आहे.
