भुजबळ यांच्यासह 12 जणांवर गुन्हा

अंमलबजावणी संचालनालयापाठोपाठ आता लाचलुचपत प्रतिबंधक विभागानेही राष्ट्रवादीचे नेते छगन भुजबळ  यांच्यासह 12 जणांवर गुन्हा दाखल केला आहे.

अँटी करप्शन ब्युरोने छगन भुजबळ यांच्यासह 12 जणांवर लाच आणि बेहिशेबी मालमत्ता बाळगल्याप्रकरणी गुन्हा दाखल केला आहे. गुन्हा दाखल झालेल्या 12 जणांमध्ये छगन भुजबळ, समीर भुजबळ, पंकज भुजबळ, मीना छगन भुजबळ, विशाखा पंकज भुजबळ, सुनील दामोदर नाईक, सुरेश ब्रह्मानंद जाजोदिया, प्रवीणकुमार हुकूमचंद जैन, संजीव विमलकुमार जैन, चंद्रशेखर मदनलाल सारडा, जगदीशप्रसाद भालचंद्र पुरोहित, कपिल राजप्रकाश पुरी यांचा समावेश आहे.