कोल्हापूर महानगरपालिकेच्या तीन माजी महापौरांसह २५ माजी नगरसेवकांनी मंगळवारी शिवसेना प्रमुख नेते आणि उपमुख्यमंत्री एकनाथ शिंदे यांच्या उपस्थितीत जाहीरपणे शिवसेना पक्षात प्रवेश केला.
मिळालेल्या माहितीनुसार कोल्हापूरच्या ३ माजी उपमहापौरांसह २५ माजी नगरसेवकांनी शिवसेनेत (शिंदे गट) प्रवेश केला. उपमुख्यमंत्री एकनाथ शिंदे यांच्या उपस्थितीत हा प्रवेश सोहळा पार पडला. सर्व नेत्यांनी हातात शिवसेनेचे धनुष्यबाण चिन्ह घेऊन पक्षात प्रवेश केला. या नवीन नगरसेवकांमध्ये काँग्रेसचे आमदार सतेज पाटील यांचे जवळचे मानले जाणारे शारंगधर देशमुख आणि अनेक महत्त्वाचे माजी नगरसेवक यांचा समावेश आहे, ज्यामुळे कोल्हापुरात काँग्रेसला मोठा धक्का बसला आहे. तसेच नगरसेवकांनी शिंदे गटाच्या शिवसेनेत प्रवेश करून एकता दर्शविली आहे.
यामध्ये मागील टर्मच्या १४ नगरसेवकांचाही समावेश आहे. यावेळी सर्वांनी आगामी महापालिका निवडणुकीत भगवा झेंडा फडकवण्याची प्रतिज्ञा घेतली. या कार्यक्रमात कोल्हापूरचे पालकमंत्री प्रकाश आबिटकर, आमदार राजेश क्षीरसागर आणि माजी आमदार जयश्री जाधव यांच्या उपस्थितीत सर्व नेत्यांचे औपचारिकपणे पक्षात स्वागत करण्यात आले. उपमुख्यमंत्री शिंदे यांनी सर्वांचे शिवसेनेना पक्षात स्वागत केले.
Edited By- Dhanashri Naik
