नागपुरातून एक धक्कादायक घटना समोर आली आहे. सहावीत शिकणाऱ्या 12 वर्षाच्या मुलीला लॉजवर नेऊन तिच्या वर दोघांनी बलात्कार केला. या प्रकरणी दोन्ही आरोपींना पोलिसांनी अटक केली आहे. आरोपींनी मुलीचे बलात्कार करतानाचे व्हिडीओ बनवून तिला धमकावले आहे. अशी माहिती पीडित मुलीने पोलिसांना दिली.
मिळालेल्या माहितीनुसार, नागपूर जवळील भिलगाव परिसरात गुरुवारी सदर घटना घडली.
दोन्ही आरोपी मुलीला लॉजवर घेऊन गेले आणि तिच्यावर लैंगिक अत्याचार केले. या घटनेचे व्हिडीओ बनवून त्यांनी मुलीला कोणालाही हे सांगायचे नाही, व्हिडीओ व्हायरल करू अशी धमकी दिली.
मुलीने घरी आल्यावर घडलेलं सर्व कुटुंबियांना सांगितले. तिच्या पालकांनी हे कळल्यावर तातडीनं पोलीस ठाण्यात धाव घेतली आणि दोन्ही आरोपींच्या विरोधात तक्रार दाखल केली.
पोलिसांनी आरोपींवर बलात्कार, पॉक्सोच्या विविध कलमानुसार गुन्हा दाखल करून आरोपींना अटक केली. हे दोन्ही आरोपी गुन्हेगारीच्या क्षेत्राचे असून त्यांच्यावर या पूर्वी देखील अनेक गुन्हा दाखल केले आहे. पोलीस या प्रकरणी लॉजच्या मालकाशी चौकशी करण्यात असल्याचे सांगितले आहे. पोलीस प्रकरणाचा पुढील तपास करत आहे.
