महाराष्ट्र राज्य परिवहन महामंडळाच्या बसला अपघात झाला आहे. लाडली गावात शाळेत जाणाऱ्या विद्यार्थ्यांना घेऊन जाणारी बस चालकाचे नियंत्रण सुटल्याने विजेच्या खांबाला धडकली. अपघातानंतर प्रवाशांनी आणि विद्यार्थ्यांनी भीतीने आरडाओरडा सुरू केला. स्थानिक लोकांनी घटनास्थळ गाठून जखमींना जळगाव येथील शासकीय वैद्यकीय महाविद्यालयात दाखल केले.
मिळालेल्या माहितीनुसार, जळगाव जिल्ह्यातील धरणगाव तालुक्यातील दोन गावांमधील स्मशानभूमीजवळ भरधाव वेगाने जाणारी बस विजेच्या खांबाला धडकून नाल्यात गेली. सुदैवाने मोठा अनर्थ टळला आहे.
लाडली गावातून जळगावकडे जाणाऱ्या बस मध्ये शालेय व महाविद्यालयीन विद्यार्थी प्रवास करत होते. दोनागावजवळील स्मशानभूमीजवळ चालक अशोक जगन्नाथ पाटील (५६) यांचे बसवरील ताबा सुटल्याने बस विजेच्या खांबाला धडकली. बस नाल्यात पडली असती तर मोठी दुर्घटना घडू शकली असती, असे सांगण्यात येत आहे
धरणगाव तालुक्यातील लाडली येथे थांबलेल्या बसला सकाळी 6.30 च्या सुमारास अपघात झाला. उपनगरातील विद्यार्थी दररोज या बसमधून प्रवास करतात. नेहमीप्रमाणे लाडली गावात उभी असलेली बस शुक्रवारी सकाळी सहा वाजता शालेय व महाविद्यालयीन विद्यार्थ्यांना घेऊन लाडली येथून निघाली. त्यानंतर दोनागाव वळणाजवळ बस कोसळली
