Publish Date: Sun, 16 Apr 2023 (14:16 IST)
Updated Date: Sun, 16 Apr 2023 (14:19 IST)
महाराष्ट्रातील नवी मुंबई शहरात एका ट्रॅफिक पोलिस कर्मचाऱ्याने कार थांबवण्याचा प्रयत्न केला परंतु चालकाने त्याला धडक दिली आणि गाडीच्या बोनेटवर अडकवून सुमारे 20 किलोमीटरपर्यंत फरफटत नेले. अधिकाऱ्यांनी रविवारी ही माहिती दिली. ड्रायव्हर ड्रग्जच्या प्रभावाखाली होता, असे त्यांनी सांगितले. अधिकाऱ्यांनी दिलेल्या माहितीनुसार, केंद्रीय गृहमंत्री अमित शहा यांच्या दौऱ्याच्या पार्श्वभूमीवर 37 वर्षीय पोलीस नाईक सिद्धेश्वर माळी हे सुरक्षा व्यवस्था ड्युटीवर असताना शनिवारी दुपारी 1.30 च्या सुमारास वाशी परिसरात ही घटना घडली.
चालकाचे नाव 22 वर्षीय आदित्य बेंबडे असे असून त्याला अटक करण्यात आली आहे. ते म्हणाले की, बेंबडे यांच्याविरुद्ध भारतीय दंड संहिता (आयपीसी) हत्येचा प्रयत्न आणि इतर संबंधित कलमांतर्गत आणि अंमली पदार्थ आणि सायकोट्रॉपिक सबस्टन्स (एनडीपीएस) कायद्यांतर्गत गुन्हा दाखल करण्यात आला आहे. वाशी पोलिस ठाण्याच्या अधिकाऱ्याने दिलेल्या माहितीनुसार, माळी हे कोपरखैरणे-वाशी रस्त्यावर ड्युटीवर होते तेव्हा त्यांनी आणि अन्य वाहतूक पोलिस कर्मचार्यांनी गाडीचा चालक ड्रग्जच्या अंमलाखाली असल्याच्या संशयावरून गाडी थांबवण्याचा प्रयत्न केला.
