गुढीपाडवा आणि डॉ बाबासाहेब आंबेडकर जयंतीनिमित्त महाराष्ट्र सरकारने मोठी घोषणा केली आहे. या निमित्ताने राज्य सरकारकडून शिधापत्रिकाधारकांना १०० रुपयांत आनंदाचा शिधा देण्याचा निर्णय मंत्रिमंडळ बैठकीत घेण्यात आला.
१ कोटी ६३ लाख शिधा पत्रिकाधारकांना याचा लाभ होणार आहे. या पूर्वी दिवाळीत हा आनंदाचा शिधा देण्यात आला होता. या अंतर्गत अंत्योदय अन्न योजना, प्राधान्य कुटुंब, औरंगाबाद व अमरावती विभागातील सर्व आणि नागपूर विभागातील वर्धा अशा १४ शेतकरी आत्महत्याग्रस्त जिल्ह्यातील दारिद्र्य रेषेवरील केशरी शेतकरी शिधा पत्रिकाधारकांना याचा लाभ मिळेल. यात १ किलो रवा, १ किलो चणा डाळ, १ किलो साखर आणि १ लिटर पामतेल देण्यात येईल. आनंदाचा शिधा गुढी पाडव्यापासून पुढील १ महिन्याच्या कालावधीसाठी ई-पॉसद्धारे १०० रुपये प्रतिसंच असा सवलतीच्या दरात दिला जाईल.
ई-पॉसची व्यवस्था नसले तेथे ऑफलाईन पद्धतीने शिधा दिला जाईल.
