वाढदिवसाला तलवारीने केक कापणे तरुणांना पडले महागात, गडचिरोलीत गुन्हा दाखल

Gadchiroli News : गडचिरोली जिल्ह्यातील कुरखेडा येथे वाढदिवसानिमित्त तलवारीने केक कापणे तरुणांना महागात पडले. या घटनेचा व्हिडिओ सोशल मीडियावर व्हायरल झाल्यानंतर पोलिस अधीक्षक नीलोत्पल यांनी कारवाईच्या सूचना दिल्या होत्या.

मिळालेल्या माहितीनुसार गडचिरोली जिल्ह्यातील कुरखेडा येथे वाढदिवसानिमित्त तलवारीने केक कापणे तरुणांना महागात पडले. या घटनेचा व्हिडिओ 6 डिसेंबर रोजी सोशल मीडियावर व्हायरल झाल्यानंतर पोलिस अधीक्षक नीलोत्पल यांनी कारवाईच्या सूचना दिल्या होत्या. त्यामुळे आरोपीविरुद्ध गुन्हा दाखल करण्यात आला आहे. तसेच आरोपींकडून एक तलवार आणि दीड हजार रुपयांची रोकड जप्त करण्यात आली आहे. 30 नोव्हेंबर रोजी आरोपी तरुणाचा वाढदिवस होता. यावेळी काही तरुणांनी एकत्र येऊन तलवारीने केक कापून वाढदिवस साजरा केला. तो इथेच थांबला नाही, त्याने या घटनेचा व्हिडिओ बनवला आणि सोशल मीडियावर पोस्ट केला. यानंतर कुरखेडा पोलिसांनी तपास सुरू करून आरोपींना ताब्यात घेऊन विविध कलमान्वये गुन्हा दाखल केला.