सातारा जिल्ह्यात ५५ फूट खोल विहिरीत पडून कंत्राटदाराचा मृत्यू

Satara News : सोमवारी संध्याकाळी सातारा जिल्ह्यातील कोरेगाव तालुक्यातील आझादपूर गावात २२ वर्षीय कंत्राटदार विलास अशोक चव्हाण यांचा विहिरीत पडून मृत्यू झाला.

मिळालेल्या माहितीनुसार सोमवारी संध्याकाळी २२ वर्षीय कंत्राटदार हा सिमेंट रिंगचा ठेका असलेल्या शेतात बांधकाम सुरू असलेल्या विहिरीवर काम करत होता. लोखंडी प्लेट घेण्यासाठी तो विहिरीच्या काठावर पोहोचताच त्याचा तोल गेला आणि तो थेट ५५ फूट खोल पाण्यात पडला. शोध घेतल्यानंतर रात्री मृतदेह बाहेर काढता आला. सोमवारी संध्याकाळी ६ वाजण्याच्या सुमारास ही घटना घडली.

माहिती समोर अली आहे की, विलास त्याच्या साथीदारासह विहिरीजवळ उपस्थित होता. लोखंडी प्लेट उचलण्यासाठी तो विहिरीजवळ जाताच त्याचा पाय घसरला आणि तो थेट पाण्यात पडला. त्याला पोहता येत नसल्याने तो पाण्यात बुडाला.  

घटनेची माहिती मिळताच गावातील तरुण घटनास्थळी पोहोचले आणि त्यांनी आपापल्या पातळीवर बचावकार्य सुरू केले. रात्रीपर्यंत चालवलेल्या शोध मोहिमेला यश आले नाही. नंतर पोलिसांच्या मदतीने छत्रपती शिवेंद्रराजे ट्रेकर्स रेस्क्यू टीमला पाचारण करण्यात आले. बचाव पथकाने अंधार आणि खोली असूनही धैर्याने शोध मोहीम राबवली आणि काही तासांनंतर मृतदेह विहिरीतून बाहेर काढण्यात आला.  

Edited By- Dhanashri Naik