शाळा परिसरात झालेल्या मित्राच्या खून प्रकरणात पोलिसांनी दोन अल्पवयीन सोबत शिकत असलेल्या मित्राना ताब्यात घेतले असून त्यांना न्यायालयात हजर केले होते. त्यांची रवानगी बालनिरीक्षणगृहात करण्यात आली आहे़. हा सर्व प्रकार ओझर येथे घडला होता.
ओझर एचएएल टाऊनशिपमधील गोखले एज्युकेशन सोसायटीच्या इंग्रजी माध्यमाच्या शाळेत मंगळवारी (दि़ ३१) डोक्यात टपली मारतो या कारणावरून सौरभ मनोजकुमार पाल (१५) या विद्यार्थ्याचा त्याच्याच दोघा वर्गमित्रांनी खून केल्याची घटना उघड झाली होती. या दोघांनाही पोलिसांनी ताब्यात घेतले आहे. या दोघांची रवानगी बालनिरीक्षणगृहात करण्यात आली आहे़ तर शिक्षण उपसंचालकांनीही या गंभीर प्रकारची दखल घेतली असून एक समिती नेमून तातडीने या शाळेस भेट देऊन घटनेच्या चौकशीचे आदेश दिले आहेत़.
