अपहरण करणे आणि कट रचून हत्या करणे या प्रकरणी नाशिक भाजपा नगरसेवकाला पोलिसांनी अटक केली आहे. यामध्ये न्यायालयाने नगरसेवकासह इतर दोघांना १ जून पर्यंत कोठडी सुनावली आहे. पंचवटी जालिंदर उर्फ ज्वाला उगलमुगले हत्या आणि अपहरण प्रकरण.
२०१५ साली जालिंदर उर्फ ज्वाला उगलमुगले बेपता आहे अशी फिर्याद नोंदवली गेली होती. तर तपासात त्याचे अपहरण झाल्याचे समोरआले होते. जालिंदर उर्फ ज्वाला उगलमुगले याचा मृतदेह सिन्नर घोटी मार्गावर सापडला होता. संशयित अविनाश कौलकर व रोहित कडाळे यांनी जालिंदरचे अपहरण करून त्याला राकेश कोष्टी, कुंदन परदेशी यांच्या ताब्यात दिले होते.पोलिसांनी कौलकर व कडाळे यांच्या मुसक्या आवळल्यानंतर गुन्ह्याची उकल होत गेली आणि अपहरणापासून तर हत्त्येपर्यंत गुन्ह्यात भाजपा नगरसेवक हेमंत शेट्टी यांचा सहभाग असल्याचे धागेदोरे पोलिसांच्या हाती लागले होते.
