Raigad News: महाराष्ट्रातील रायगड जिल्ह्यातील कामोठे येथे बुधवारी 70 वर्षीय महिला आणि तिच्या 45 वर्षीय मुलाचे मृतदेह त्यांच्या फ्लॅटमध्ये आढळून आले.
मिळालेल्या माहितीनुसार पोलिसांनी मृतदेह बाहेर काढला तेव्हा घरात एलपीजी गॅस भरला होता. पोलिसांनी दिलेल्या माहितीनुसार, गीता भूषण जग्गी आणि जितेंद्र अशी मृतांची नावे आहे. नवी मुंबई पोलिसांच्या एका अधिकाऱ्याने सांगितले की, दुपारी चारच्या सुमारास पीडितांचे नातेवाईक त्यांना भेटायला आले, पण घराचा मुख्य दरवाजा आतून बंद होता. वारंवार ठोठावल्यानंतरही प्रतिसाद मिळाला नाही, त्यानंतर पोलिसांना कळवण्यात आले.
तसेच पोलीस आणि अग्निशमन दलाचे जवान घटनास्थळी पोहोचले आणि दरवाजा तोडून आत गेले. त्याच्या लक्षात आले की गॅस पुरवठ्याच्या पाईपचे नॉब उघडे होते, त्यामुळे संपूर्ण फ्लॅट गॅसने भरला होता. अग्निशमन दलाने नॉब बंद केला आणि नंतर पीडित बेशुद्धावस्थेत आढळले. मृतांच्या शरीरावर जखमांच्या खुणा होत्या. मृतदेह पोस्टमोर्टमसाठी स्थानिक शासकीय रुग्णालयात पाठवण्यात आले.
Edited By- Dhanashri Naik
