Publish Date: Sat, 23 May 2026 (12:30 IST)
Updated Date: Sat, 23 May 2026 (12:32 IST)
मुंबई: महाराष्ट्राचे मुख्यमंत्री देवेंद्र फडणवीस आज शिर्डी दौऱ्यावर असून, त्यांच्या या प्रवासाची सध्या राज्यभरात जोरदार चर्चा सुरू आहे. एक विशेष पाऊल उचलत मुख्यमंत्र्यांनी आपल्या नेहमीच्या ताफ्याऐवजी रेल्वेने प्रवास करण्याचा निर्णय घेतला आहे. ते मुंबईतील छत्रपती शिवाजी महाराज टर्मिनस (CSMT) येथून रेल्वेने शिर्डीसाठी रवाना झाले.
पंतप्रधान नरेंद्र मोदी यांनी काही दिवसांपूर्वीच लोकप्रतिनिधींना आणि सर्वसामान्य नागरिकांना पर्यावरणपूरक प्रवासासाठी आणि जनतेशी थेट जोडले जाण्यासाठी सार्वजनिक वाहतुकीचा जास्तीत जास्त वापर करण्याचे आवाहन केले होते. पंतप्रधानांच्या याच आवाहनाला प्रतिसाद देत मुख्यमंत्र्यांनी हा निर्णय घेतला असून, राजकीय आणि सामाजिक वर्तुळात या निर्णयाचे कौतुक केले जात आहे.
आपल्या या शिर्डी दौऱ्यादरम्यान मुख्यमंत्री देवेंद्र फडणवीस विविध विकासकामांचा आढावा घेणार असून स्थानिक प्रशासनासोबत बैठका घेण्याचीही शक्यता आहे. याशिवाय, त्यांच्या हस्ते 'निबे ग्लोब' या डिफेन्स फॅक्टरीचे (संरक्षण कारखाना) उद्घाटन देखील केले जाणार आहे.
मुख्यमंत्री रेल्वेने प्रवास करणार असल्यामुळे रेल्वे प्रवासी आणि भाजप कार्यकर्त्यांमध्ये कमालीची उत्सुकता पाहायला मिळत आहे. मुख्यमंत्र्यांच्या स्वागतासाठी विविध रेल्वे स्थानकांवर कार्यकर्त्यांनी जय्यत तयारी केली आहे. या प्रवासाच्या पार्श्वभूमीवर सुरक्षा व्यवस्थेत मोठी वाढ करण्यात आली असून रेल्वे प्रशासन आणि पोलीस यंत्रणा पूर्णपणे सतर्क आहे.
About Writer
वेबदुनिया न्यूज टीम
वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात.....
आणखी वाचा
