थेट निर्णय ही अजितदादांची स्टाईल....!

माझ्या मतदारसंघात असलेल्या आणि इतर प्रश्नांबाबत अजितदादांना (Ajit Pawar) भेटलो. उपस्थित केलेले प्रश्न बारकाईने समजून घेत त्यावर सकारात्मक निर्णय घेण्याचं आश्वासन त्यांनी दिलं. कोणतंही काम घोळत न ठेवता थेट निर्णय घेणं ही दादांची स्टाईल आहे. ती मला भावते, या प्रश्नांवरही निर्णय होईल अशी अपेक्षा आहे अशी प्रतिक्रिया रोहित पवार यांनी दिली आहे.

उपमुख्यमंत्री अजित पवार यांच्या काम करण्याच्या शैलीचं रोहित पवार यांनी कौतुक केलं आहे.  रोहित पवार यांनी आज अजित पवार यांची भेट घेतली. राष्ट्रवादी काँग्रेसचे सर्वेसर्वा शरद पवार यांनी नातू पार्थ पवार यांच्यावर केलेल्या टीकेनंतर अजित पवार आणि रोहित पवार यांच्यातली ही पहिलीच भेट होती.

मतदारसंघातील व इतर प्रश्नांबाबत @AjitPawarSpeaks दादांना भेटलो.हे प्रश्न बारकाईने समजून घेत त्यावर सकारात्मक निर्णय घेण्याचं आश्वासन त्यांनी दिलं.कोणतंही काम घोळत न ठेवता थेट निर्णय घेण्याची दादांची स्टाईल असून ती मला भावते. त्यानुसार या प्रश्नांवरही निर्णय होईल,अशी अपेक्षा आहे. pic.twitter.com/FBfYo3JxwY

— Rohit Pawar (@RRPSpeaks) August 18, 2020

रोहित पवार(Rohit Pawar) यांनी त्यांच्या ट्विटरवर अजित पवारांसोबत घेतलेल्या भेटीची माहिती दिली. त्यानंतर त्यांनी अजित पवार यांच्या निर्णय घेण्याच्या शैलीचं कौतुकही केलं आहे.